La casa (film 1981)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Evil Dead
La casa
Casa (film 1981).png
La Betsy Baker in na figùra dal film
La cà
1981
Regia: Sam Raimi
Scritùr: Sam Raimi
Atùr: Bruce CampbellRichard Demanicor
Betsy BakerEllen SandweissTeresa Tilly
Müsica: Joseph LoDuca
Lengua: Ingléś
Dürä dal film: 85 minüt
Nasiòṅ: Stat Unî


«
La pâr pròpria na cà nurmàla... da fóra.»
(Tagline dal film)


La casa (La cà) 'l è 'n film ad scarésa americàṅ dal 1981 scrit e dirèt par Sam Raimi, chè a 'l sò debùt in un lungumetràǵ.

Al gh'à abû dū séguit ufisiài, La casa 2 dal 1987 e L'armata delle tenebre dal 1992, e 'n arfacimènt umònim in dal 2013.

Cal film chè 'l è stâ bòṅ ad far sù dū migliòṅ e siē ad dòlar, esénd-an custâ gnanc quatarsènt-mila.

Sunt

Sinc ragàs, Ash (Bruce Campbell), Scott (Richard Demanicor), la Cheryl (Ellen Sandweiss), la Linda (Betsy Baker) e la Shelly (Teresa Tilly), i partìsan par la muntàgna par pasàr un fiṅ 'd stmana in un chalet in dal bòsc. Durànt la prima sira na fòrsa négra la tōś pusès dla Cheryl ch'l'è acsè custréta a far un diségn 'd un lìbar cun na cupertìna malèfica.

Mént'r i śōv'n i èṅ drē a snar a s vèra da par lē l'arbàlta p'r andàr in cantìna in du Scott e Ash i càt'n un lìbar strâṅ e 'n nàstar. Na vóś 'd 'n archeòlug la diś ch'l à catâ cal lìbar lè, ciamâ "Naturon Demonto", in dal castèl ad Candar. Lśénd qvél ch'a gh'è scrit dènt'r a s pōl far turnàr in vita di spìrit, di dèmun e di mòrt. Cuntinuànd a scultàr qvél ch'a gh'è incìś in dal registradōr 'l è pròpria 'l studióś a dir al fórmuli màgichi daśdànd al fòrsi dal mâł.

La Cheryl la decìd 'd andàr a far un gir fóra e la vîṅ strupràda da i spróc di àrbui ch'i tōśan vita da par lōr. Al pònt ch'a pòrta in muntàgna 'l è crudâ śò e dònca a n s pōl minga scapàr via da 'd lè. La Cheryl, invaśàda da 'n spìrit catìṿ, la vîṅ misa in cantìna e l'arbàlta srada cun dal cadéni. Anc la Shelly la finìs śóta 'l cuntròl dal spìrit e chi àtar ragàs i èṅ custrét a far-la a pès. Méntar Scott al và a pascàr un sintēr alternatìṿ, vgnénd frî da i ram dal piànti, la Linda l'è la tèrsa a dvintàr indemuniàda.

Culegamènt estéran