Original Sin (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Original Sin
Original Sin (film).png
L'Angelina Jolie in na figùra dal film
Pcâ uriginàł
2001
Regia: Michael Cristofer
Scritùr: Cornell Woolrich • Michael Cristofer
Atùr: Antonio BanderasAngelina Jolie
Thomas JaneJack ThompsonGregory Itzin
Allison MackieJoan PringleCordelia Richards
Müsica: Terence Blanchard
Lengua: IngléśTedésc
GiapunéśLatìnSpagnōl
Dürä dal film: 116 minüt
Nasiòṅ: Stat UnîFrància


«
A 'l inìsi l'è stada pasiòṅ»
(Tagline dal film)


Original Sin (Pcâ uriginàł) 'l è 'n thriller dal 2001 ad Michael Cristofer ch'al tōś ispirasiòṅ da 'n rumànś ad Cornell Woolrich dal 1947 da 'l tìtul Waltz into Darkness. 'L è 'l arfacimènt dna pelìcula dal 1969 ad François Truffaut, La mia droga si chiama Julie.

Cl'òpra chè l'è stada giràda tuta in Mèsic c'n un budget ad quarànta-dū migliòṅ ad dòlar e cun 'n incàs ad trénta-siē e quàtar. La prutagunìsta Angelina Jolie l'è stada numinàda a i Razzie Awards dal 2001 cuma atōra più lòfi ma l'è stada batùda a 'l ùltim par la Mariah Carey ch'l'iva recitâ in Glitter.

Sunt

In dla Cuba dal XIX sécul, al marcànt ad cafè put Luis Antonio Vargas (Antonio Banderas) al decìd finalmènt ad spuśàr-as sarnénd na dóna dal Delaware cgnusùda par curispundénsa, la Julia Russell (Angelina Jolie). Quànd chi lē la riva in dl'ìśula l'è difarènta da qvéla dla foto ch'la gh'iva mandâ a sò tèmp, l'è dimóndi più bèla, ma la cònta ch'la 'l à fat parchè la vliva èsar sicûra di sentimènt sćèt d'l óm e la n vliva briśa ch'i s mitìs'n insém sōl parchè l'éra na bèla figa. 'D atra part anc Luis al gh'iva cuntâ na bala, dgénd-ag ch'l éra sōl 'n uperàj in dla fàbrica 'd cafè, pròpria parchè al n vliva minga che lē la fus una ch'la pinsìs sōl a i bèsi.

Dòp la serimògna i dū i tàc'n a dar-ag dènt'r a la granda tant che Vargas al pèrd incóra da piò la tèsta par lē miténd insém i cònt curènt in banca. 'L óm al vrév che la Julia la mandìs na létra a sò surèla Emily (Cordelia Richards) in di Stat Unî par dir ch'l è tut a pòst e al gh và adrē dimóndi anc parchè sò surèla l'è in pinsēr e l'à mandâ 'n detective, Walter Downs (Thomas Jane), a pascàr-la. L’Emily in séguit la riva pò dabòṅ a Cuba parchè l'è sicûra ch'in dla nâṿ a sia sucès quèl a sò surèla esénd che la scritùra dla létra la n è minga qvéla dla Julia e dònca la spóśa 'd Luis la n sia briśa lē ma na dunàsa. Purtròp l'è pròpria acsè, la Julia, qvéla véra, l'è mòrta scurtlàda e n'atra dóna ciamàda Bonnie Castle l'à tòlt al sò pòst.

Quànd Luis al tórna a cà al n cata piò sò mujér, l'è sparìda, inót'r i sò cònt curènt i èṅ tut stâ vudâ.

Culegamènt estéran