Angelina Jolie

Da Wikipedia.
C'l artìcul chè 'l è scrit in Miranduléś Emiliàn
La Jolie tòlta śò a Cannes in dal 2007


L’Angelina Jolie Voight (Los Angeles, 4 ad Śugn dal 1975), l'è n'atōra americàna vinsidōra 'd un Prèmi Òscar p'r al film Ragazze interrotte dal 1999.

Fiōla d'l atōr Jon Voight, dòp èsar stada spuśàda cun 'l atōr Billy Bob Thornton, la s è cumpagnàda cun Brad Pitt. Insém i aṅ dâ vita a 'n duo ciamâ Brangelina e i gh'aṅ siē fiōi, tri suo e tri adutâ. L'à dit ch'la sa spuśarà sèg sōl quànd i al praṅ far anc i fnòć, litgànd-as acsè cun la màdar ad Pitt ch'la la pénsa difarènt da lōr dū.

In dal Setémbar dal 2002 la gh l'à cavàda a far-as titàr via al cugnóm ad sò pàdar, tgnénd sōl Jolie, parchè chi lò al gh'à sèmpar dâ adòs, dgénd ch'l'éra malàda in dla tèsta fin da pìcula.

L'è dvintada famóśa faghénd la part ad Lara Croft in dal film Lara Croft: Tomb Raider dal 2001. L'à pò anc ricitâ in soquànt film ad sucès cuma Il collezionista di ossa (1999), Fuori in 60 secondi (2000), Alexander (2004) e Mr. & Mrs. Smith (2005).

L'è pîna ad tatuàǵ dapartùt.

Da 'l 2 ad Favràr a 'l 27 'd Avrìl dal 2013, p'r a n àndàr minga in a risć ad ciapàr al càncar cuma sò màdar, la s è fata cavàr via al téti cun 'n intervènt ad mastuplàstica caladōra p'r arbasàr al perìcul da 'l 87% a 'l 5%, tgnénd a drē a qvél ch'i gh'ìvan dit i dutōr.

Culegamènt estéran