Oakland (Califòrgna)

Da Wikipedia.

C'l artìcul chè 'l è scrit in Miranduléś Emiliàn

Al scûd 'd Oakland
Vduda 'd nòt dla sità
Soquànt di sò gratacēi
La quèrsa (oak) 'd piàsa Frank H. Ogawa


Oakland (a s lèś /ˈoʊklənd/ in ingléś) l'è na sità di Stat Unî ch'la fà sù quatarsènt-vintmìla abitànt a 'l incìrca, l'utàva più impurtànta dla Califòrgna. La s cata in frònt a 'l Ucéan Pasìfic in dla baja 'd San Francisco. Tgnénd adrē a 'l censimènt dal 2010 la sò pupulasiòṅ la s divìd fra 'n 34,5% ad biànc, un 34,0% ad négar, un 25,4% 'd ispànig e 'n 16,8% 'd aśiàtic.

La sità l'è 'l as ad brìscula in far 'd energìa fata cun dal fònt arnuvàbili méntar la sò ecunumìa la ciàpa dimóndi da 'l sò pòrt e da i cantēr navài. Dòp al taramòt dal 1906 dimóndi parsòni 'd San Francisco i èṅ vgnudi a star a Oakland.

La sò cuntèa l'è Alameda méntar la sò sìndiga da 'l 2015 l'è la demucràtica Libby Schaaf.

Persunàǵ ligâ a Oakland

Culegamènt estéran