Il corvo

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The crow
Il corvo
Crow.png
Brandon Lee in na figùra dal film
Al córuv
1994
Regia: Alex Proyas
Scritùr: James O'Barr
David J. Schow • John Shirley
Atùr: Brandon LeeErnie HudsonJon Polito
Michael WincottBai LingDavid Patrick Kelly
Michael MasseeRochelle DavisSofia Shinas
Marco RodríguezAnna LevineBill Raymond
Müsica: Graeme Revell
Lengua: Ingléś
Dürä dal film: 102 minüt
Nasiòṅ: Stat Unî


«
Na vòlta la gint l'éra dl'idéa che quànd qualchidòṅ al murìva, un córuv al purtàva la sò anma in dla tèra di mòrt; dal vòlti però, i sucidìvan di quèi acsè duluróś, da scarésa e da far gnir al magòṅ che l'anma la n psiva briśa punsàr. L'éra acsè che dal vòlti, ma minga sèmpar, al córuv al purtàva indrē l'anma parchè la mitìs incóra al ròbi a pòst.»


Il corvo (Al córuv) l è 'n film fantàstic dal 1994 'd Alex Proyas ch'al tōś ispirasiòṅ da 'l fumét creâ par James O'Barr. 'L è anc 'l ùltim lavōr dal prutagunìsta Brandon Lee mòrt par daśgràsia in sal sèt dal film quànd, par śbali, 'l è partî un cólp ad pistòla ch'al 'l à masâ. Proyas 'l è stâ acsè custrét a druàr di truc digitài e dal còntar-figùri par purtàr a cumpimènt l'òpra, ardupiànd in cla manéra lè anc i cóst, ch'i eṅ rivâ a 23 migliòṅ ad dòlar. Ma i guadàgn i eṅ pò stâ dimóndi più élt: da piò ad 144.

Al gh'à abû anc tri séguit: Il corvo 2 - La città degli angeli dal 1996, Il corvo 3 - Salvation dal 2000 e Il corvo - Preghiera maledetta dal 2005.

Sunt

Eric Draven (Brandon Lee) e la Shelly Webster (Sofia Shinas) i èṅ dū śōvan muróś ch'i èṅ lè lè par spuśàr-as. L'è la nòt prima dal matrimòni e anc Halloween, ciamàda anc Devil's Night (La nòt dal Diàvul) parchè in sità a sucéd da tut. Quàtar criminài, ch'i faṅ part dla crica ad Top Dollar (Michael Wincott), T-Bird (David Patrick Kelly), Skank (Angel David), Funboy (Michael Massee) e Tin Tin (Laurence Mason), i s insfìlsan in dal lōr apartamènt e i màsan Eric butànd-al śò par la fnèstra e pò i viuléntan la Shelly ch'la mōr pò più tard a 'l uśdàl.

'L an dòp un córuv impiriàl al s pògia insìma a la tómba ad Draven ma minga par purtàr la sò anma in dal da 'd là, cum i diśan i dit dna vòlta, ma par dar-'g incóra la vita parchè al sò cōr 'l éra tròp pîṅ ad ràbia e ad dulōr. Qualchidòṅ al gh'à da giustàr i cónt. Turnâ in cal mónd chè, invulneràbil par via dla sò natùra, Eric al pōl far-as giustìsia da par lò.

Culòna sunóra

Dla pelìcula a gh'è dū culòni sunóri, una cun di braṅ strumentài (ad Graeme Revell) e una misa in pē a partìr da di pès dark/hard rock druâ in dal film ch'l'à vindû dimóndi.

  1. Burn - The Cure (Robert Smith, Simon Gallup, Boris Williams, Perry Bamonte) – 6:39
  2. Golgotha Tenement Blues - Machines of Loving Grace (Scott Benzel, Mike Fisher, Stuart Kupers, Thomas Melchionda) – 4:01
  3. Big Empty - Stone Temple Pilots (Dean DeLeo, Scott Weiland) – 4:56
  4. Dead Souls - Nine Inch Nails (cover di Joy Division) – 4:54
  5. Darkness - Rage Against the Machine (Rage Against the Machine) – 3:41
  6. Color Me Once - Violent Femmes (Gordon Gano, Brian Ritchie) – 4:09
  7. Ghostrider - Rollins Band (Martin Rev, Alan Vega) – 5:45
  8. Milktoast (cgnusùda anc cuma Milquetoast) - Helmet (Page Nye Hamilton) – 3:59
  9. The Badge - Pantera (cover di Poison Idea) – 3:54
  10. Slip Slide Melting - For Love Not Lisa (For Love Not Lisa) – 5:47
  11. After the Flesh - My Life with the Thrill Kill Kult (Buzz McCoy, Groovie Mann) – 2:59
  12. Snakedriver - The Jesus and Mary Chain (William Reid, Jim Reid) – 3:41
  13. Time Baby III - Medicine (Jim Goodall, Brad Laner, Jim Putnam, Ruscha, Beth Thompson) – 3:52
  14. It Can't Rain All the Time - Jane Siberry (Graeme Revell, Jane Siberry) – 5:34

Culegamènt estéran