Nobody's Baby
|
C'l artìcul chè 'l è scrit in
Miranduléś |
 Nobody's Baby
| ||
 Skeet Ulrich in na figùra dal film | ||
| La putìna 'd ninsòṅ 2001 | ||
|---|---|---|
| Regìa: David Seltzer | ||
| Scritōr: David Seltzer | ||
| Atōr: Skeet Ulrich • Gary Oldman • Radha Mitchell Mary Steenburgen • Gordon Tootoosis • Anna Gunn Matthew Modine • Peter Greene • Caroline Aaron | ||
| Müsica: Joseph Vitarelli | ||
| Léngua: Ingléś | ||
| Dürä dal film: 110 minüt | ||
| Nasiōṅ: Stat Unî | ||
Nobody's Baby (La putìna 'd ninsòṅ) l'è na cumèdia dramàtica americàna dal 2001 scrita e dirèta par David Seltzer
La pelìcula, giràda in dal stat dal Utah, l'è stada preśentàda a 'l Sundance Film Festival.
Sunt
Billy Raedeen (Skeet Ulrich) 'l è 'n delinquènt ad vint-siē an da 'l cōr bòṅ e anc un pôc ingiangulâ. 'L è sòlit far al sò rubarìi insém a 'n redneck ciamâ Buford Dill (Gary Oldman), un tisi ch'a gh bruśa sèmp'r al cûl.
Na nòt, méntar 'l è drē a scapàr via da la pulisìa, al salva na putìna da na màchina ch'l'éra drē a ciapàr fōg e 'l decìd ad tgnir-'s-la lò. Par dar-ag quèl da magnàr, al dmanda ajùt a na camaréra 'd un bar, la Shauna Louise (Radha Mitchell), ch'la 'l pòrta sèg in dal pòst bandunâ in du la viṿ dènt'r a na roulotte insém a 'l sò óm ch'al la pìcia sèmpar, Vern (Peter Greene), e a di àtar sò amìg.
Billy al cgnós acsè l’Estelle (Mary Steenburgen), na dóna ch'l'à péna dâ in adusiòṅ al sò putèṅ ch'al gh'éra nâ dâ pôc par far-'g avēr na vita mijōra dòp èsar stada lasàda da sò marè Sonny (Matthew Modine), 'l indiàṅ Dog Havasu (Gordon Tootoosis) e la biónda Stormy (Anna Gunn) ch'la gira sèmpar tuta śgulàda.