Nick Kamen

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


«
Each time you break my heart a little voice inside me cries, no matter what you do or say, I'm gonna love you, I'm gonna love you anyway and if you're so sure that I'm not your kind how come you can't just walk away, in the beginning we were nothing but glad, those were the best days that we ever had.»
(EN)(Each Time You Break My Heart, 1986)
«
Tut al vòlti ch'ta m scavś al cōr na vōś pìcula la m piànś dèntar, a n è minga impurtànt qvél ch'at fà o 't dì, mè a t vurò bèṅ, a t vurò bèṅ in tut al manéri e s'at sē acsè sicûra ch'a n sòṅ minga 'l tò tip parchè n và't minga via? A 'l inìsi a séran gnint àtar che cuntènt, chi dè lè i èṅ stâ i più bèi ch'a ém mai abû.»
(MUD)


Ivor Neville Kamen, cgnusû méj cuma Nick Kamen (Harlow, 15 'd Avrìl dal 1962 – Lóndra, 5 ad Maǵ dal 2021), l'è stâ 'n cantànt e mudèl ingléś.

Al sumiliàva dimóndi a Elvis Presley da śōvan.

Biugrafìa

Dòp avēr studiâ a la St Marks RC Comprehensive School, a 'l inìsi di an Utànta al taca na caréra da mudèl. Al dvènta famóś in tut al mónd par la reclàm dla Levi's in dua 'l s cava via 'l braghi par lavàr-li in na lavandarìa, armagnénd in bòxer in mèś a la gint spétand ch'i s sughìsan. La Madonna la gh buta gl'òć adòs e in dal 1986, insém a 'l prudutōr Stephen Bray, la gh śibìs ad cantàr un pès scrit da lē da 'l tìtul Each Time You Break My Heart. Al braṅ al mùcia sù 'n bèl sucès in Európa finénd a 'l quìnt pòst in dal Régn Unî.

In dal 1987 Nick al fà vgnir fóra 'l sò prim àlbum Nick Kamen cun soquànti cover soul e rhythm and blues. Al secónd disc, registrâ in di Stat Unî, 'l è dal 1988 e al s intìtula Us e 'l gh'à dimóndi sucès in Itàglia (secónd pòst in clasìfica), cun la Madonna ch'la fà i côr in dal sìngul Tell Me.

In dal 1990 Nick al fà catàr in di negòsi Move Until We Fly, un disc più madûr cum a s pōl sintìr anc in dal prim sìngul, I Promised Myself. Al sò ùltim disc 'l è ad dū an dòp, Whatever, Whenever, ma 'l è 'n fiàsc. Al cantànt al gh la dà sù e 'l càmbia mistēr tacànd a far al pitōr e sparénd da 'l mónd dal spetàcul.

Al mōr a sinquànta-nóṿ an p'r al càncar.

Discugrafìa

Àlbum in Studi

  • 1987: Nick Kamen
  • 1988: Us
  • 1988: Loving You (sōl in Itàglia)
  • 1990: Move Until We Fly
  • 1992: Whatever, Whenever

Culegamènt estéran