Nella società degli uomini
|
C'l artìcul chè 'l è scrit in
Miranduléś |
 In the Company of Men
| ||
| Nella società degli uomini | ||
 Eckhart e la Stacy Edwards in na figùra dal film | ||
| In dla sucietà di óm 1998 | ||
|---|---|---|
| Regìa: Neil LaBute | ||
| Scritōr: Neil LaBute | ||
| Atōr: Aaron Eckhart • Matt Malloy • Mark Rector Stacy Edwards • Sara Pauley • Emily Cline | ||
| Müsica: Karel Roessingh • Ken Williams | ||
| Léngua: Ingléś | ||
| Dürä dal film: 97 minüt | ||
| Nasiōṅ: Stat Unî • Cànada | ||
Nella società degli uomini (In dla sucietà di óm) 'l è 'n film dramàtic 1997 ad Neil LaBute ch'al 'l à anc scrit tulénd spunt da 'n sò lavōr teatràł dal 1993 c'n al stés nóm. 'L è stâ preśentâ a 'l Festival di Cannes in dla sesiòṅ Un Certain Regard e anc a 'l Sundance Film Festival.
La pelìcula, giràda in dū stmani c'n un budget ad vintsìnc-mila dòlar, la 'n à pò fat sù da piò 'd dū migliòṅ e òt.
Sunt
Chad (Aaron Eckhart) e Howard (Matt Malloy) i èṅ dū funsiunàri in caréra ch'i èṅ péna stâ mulâ da 'l sò muróśi. Par vindicàr-'s ad cal dóni e far-'g-la pagàr, Chad al strulga 'n piàṅ e 'l al śibìs anc a 'l sò culéga. Al śōg al sarév qvél ad catàr na ragàsa fràgila e ingènva e pò pruàr a cunquistàr-la faghénd-ag créd'r ad vlēr-ag bèṅ. Quànd chi lē la s è inamuràda dabòṅ, dascargàr-la subìt in quàt'r e quàt'r òt par far-ag dal mâł e rìdar-'g adrē.
Chad al buta 'l òć su na vitma parfèta, na dóna sórda e ch'la fà fadìga a dascórar, la Christine (Stacy Edwards), ad mistēr segretària. 'L óm al l'invìda fóra a séna, al gh manda di fiōr e pò, lavurànd-la bèṅ, al gh la cava anc a purtàr-'s-la a lèt. Howard al gh'arév da far àtar tant sèg, par rispetàr al pat fat, ma 'l al fà malvluntéra.