Velvet - Il prezzo dell'amore

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Some Velvet Morning
Velvet - Il prezzo dell'amore
Velvet - Il prezzo dell'amore.png
L'Alice Eve e Stanley Tucci in na figùra dal film
Vlû - Al prèsi d'l amōr
2013
Regia: Neil LaBute
Scritùr: Neil LaBute
Atùr: Alice EveStanley Tucci
Müsica: /
Lengua: Ingléś
Dürä dal film: 82 minüt
Nasiòṅ: Stat Unî


«
I śuglèṅ cumplicâ ch'a fà la gint.»
(Tagline dal film)


Velvet - Il prezzo dell'amore (Vlû - Al prèsi d'l amōr) 'l è 'n film dramàtic dal 2013 ad Neil LaBute girâ a New York in dal quartēr ad Brooklyn.

La pelìcula l'à fat sù pôc da piò ad siē-mila dòlar in di cìnema americàṅ. Par la siggla finàla a s è druâ al braṅ “Happy Together” cantâ p'r i The Turtles.

Sunt

Fred (Stanley Tucci) al fà 'l avucàt a New York, 'l è spuśâ e al gh'à 'n fiōl śōvan ch'al s ciàma Chris ch'l è 'n as ad brìscula in fat ad computer. Stuf dla sò famìja, un dè al mòla incòsa, al fà 'l valìś e al và a catàr na sò ex amànta, la Velvet (Alice Eve) ch'al n véd da quàt'r an. Chi lē quànd la 'l véd sunàr a 'l us la n créd a i sò òć ma la gh vèra listés anc s'la gh diś ch'la gh'à 'n apuntamènt e ch'la gh'à da preparàr-as.

'L óm al vrév stablìr-as da lē e al gh diś ch'al n vōl piò savēr gnint ad sò mujér ma la Velvet la n è minga ad cl'idéa. Dòp mèś'óra ad discusiòṅ, lē l'è prònta p'r andàr a séna pròpria c'n al fiōl ad Fred, guàrda sōl, ma pò l'è custréta a ciamàr-'l a 'l telefunèṅ par dir ch'la rivarà tard parchè quàl là al gh'è sèmp'r adòs.

La Velvet, nóm 'd art, l'è na studènta che par far sù di bèsi la s è misa a 'ndàr a lèt c'n i pàdar di sò cumpàgn ad scóla, sinc o siē i gh'èṅ cascâ, Fred cumpréś, anc se la ragàsa la gh diś ch'in alóra la s éra inamuràda dabòṅ ad lò.

Quànd la Velvet la 'l manda a 'l us, Fred al la viulénta da par tèra. Però a gh'è 'n però.

Culegamènt estéran