Neil Diamond

Da Wikipedia.
C'l artìcul chè 'l è scrit in Miranduléś Emiliàn
Neil Diamond tòlt śò in dal 2009


«
Melinda was mine 'til the time that I found her holding Jim, loving him, then Sue came along, loved me strong that's what I thought, me and Sue, but that died too, don't know that I will but until I can find me, the girl who'll stay and won't play games behind me, I'll be what I am, a solitary man.»
(EN)(Solitary Man, 1966)
«
La Melinda l'éra mia in fiṅ tant ch'a n l'ò catàda strica a Jim méntar la fava 'l amōr sèg, pò l'è rivàda la Sue, la m vliva bèṅ dimóndi mè a pinsàva, mè e la Sue, ma anc qvést chè 'l è finî, a n sò minga cuś a farò ma in fiṅ ch'a n catarò na ragàsa ch'la vója star mèg sénsa far-um di śuglèṅ da drē, a sarò qvél ch'a sòṅ, 'n óm da par lò.»
(MUD)


Neil Leslie Diamond, cgnusû méj cuma Neil Diamond (New York, 24 ad Śnar dal 1941), 'l è 'n cantànt, chitarìsta e cumpuśidōr americàṅ.

In dla sò caréra, tacàda in di an Ssanta, 'l à vindû da piò ad sènt-vint migliòṅ ad disc in tut al mónd. Dimóndi di sò pès i èṅ stâ cantâ anc da di àt'r artìsta cuma i braṅ I'm a Believer (fat anc da la sasuléśa Caterina Caselli cuma Sono bugiarda) e Solitary Man registrâ anc da Gianni Morandi (c'n al tìtul ad Se perdo anche te), T.G. Sheppard, Chris Isaak, Johnny Cash e, in na ciàṿ hard rock, da 'l grup finlandéś di H.I.M.. Àtar sò pès famóś i èṅ A Little Bit Me, a Little Bit You, I am I said, Song Sung Blue, Sweet Caroline, Soolaimon, Holly Holy, Cherry, Cherry, Thank the Lord for the Night Time, Beautiful noise, I Got the Feelin’, Canta libre, September Morn e Red Red Wine.

In dal 2011 'l è finî in dla Rock and Roll Hall of Fame.

Culegamènt estéran