Naomi Watts

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Prim piàṅ dl'atōra ingléśa


La Naomi Ellen Watts, cgnusùda méj cuma Naomi Watts (Shoreham, 28 ad Setémbar dal 1968), l'è n'atōra britànica naturaliśàda austragliàna. L'è stada candidàda a i Prèmi Òscar cuma atōra prutagunìsta in dal 2004 par 21 grammi e in dal 2013 par The Impossible.

Da 'l 2005 a 'l 2016 l'è stada ligàda a 'l atōr Liev Schreiber, pàdar di sò dū fiōi Alexander Pete e Samuel Kai.

Biugrafìa

Nada in dal Kent da la Myfannwy Glennys Edwards, antiquària, e da Peter Watts, tècnig dal sòṅ ch'l à laurâ anc c'n i Pink Floyd, a òt an la pèrd sò pàdar mòrt par n'overdose 'd eruìna.

Da śōvna la taca a far la mudèla e a giràr soquànt film. Al prim fat a Hollywood 'l è Matinee (1993) ad Joe Dante, pò la lavóra anc in soquànti séri televiśìvi sénsa però catàr al sucès in fiṅ tant ch'l'è prutagunìsta ad Mulholland Drive ad David Lynch e, incóra da piò, dal film ad scarésa The Ring.

In dal 2004 la s davśìna a i Prèmi Òscar girànd 21 grammi insém a Benicio del Toro e a Sean Penn. La Naomi la taca a lauràr cun di regìsta impurtànt cuma Peter Jackson in King Kong, arfacimènt 'd un film dal 1933, David Cronenberg in La promessa dell'assassino, Woody Allen in Incontrerai l'uomo dei tuoi sogni e Clint Eastwood in J. Edgar insém a Leonardo DiCaprio.

In dal 2013 la vîṅ candidàda incóra a i Òscar par la pelìcula The Impossible ch'la dascór dal tsunàmi ch'in dal 2004 'l à culpî 'l Ucéan Indiàṅ.

Da 'l 2006 l'è ambasadōra d'l UNAIDS, prugràma dal Nasiòṅ Unìdi par cumbàtar 'l AIDS.

Filmugrafìa

La Naomi insém a sò marè Schreiber in na fóto dal 2012
La Watts in dal 2012

Culegamènt estéran