The Ring 2
|
C'l artìcul chè 'l è scrit in
Miranduléś |
 The Ring Two | ||
| The Ring 2 | ||
 La Watts e la Sissy Spacek in na figùra dal film | ||
| 'L anèl 2 2005 | ||
|---|---|---|
| Regìa: Hideo Nakata | ||
| Scritōr: Kôji Suzuki Hiroshi Takahashi • Ehren Kruger | ||
| Atōr: Naomi Watts • Simon Baker • Gary Cole David Dorfman • Elizabeth Perkins • Sissy Spacek Kelly Overton • Ryan Merriman • Emily VanCamp Kelly Stables • James Lesure • Daveigh Chase | ||
| Müsica: Henning Lohner • Martin Tillman | ||
| Léngua: Ingléś | ||
| Dürä dal film: 110 minüt | ||
| Nasiōṅ: Stat Unî | ||
The Ring 2 (’L anèl 2) 'l è 'n film ad scarésa dal 2005 'd Hideo Nakata séguit dal film The Ring dal 2002 dirèt par Gore Verbinski. Al gh'à abû 'n séguit in dal 2017, The Ring 3.
Al film 'l è stâ girâ a Astòria (Òregun) e a Los Angeles (Califòrgna) e 'l à muciâ sù da piò ad sènt-ssant'òṅ migliòṅ ad dòlar esénd-an custâ sinquànta.
Sunt
[mudéfica la surzéia]I èṅ pasâ siē méś da quànd la Rachel Keller (Naomi Watts), giurnalìsta di fat négar dla sità ad Seattle, la gh l'à cavàda a scapàr via da la Samara Morgan (Daveigh Chase) e da 'l arbgàt dla VHS maladìda ch'la cònta a quéi ch'i la guàrdan ch'i gh'aṅ da murìr in dal gir dna stmana. Adès lē e sò fiōl pìcul Aidan (David Dorfman) i s èṅ stablî in dla sitadìna muntanàra 'd Astoria par tacàr na vita nóva luntàṅ da i pòst ch'i gh'aṅ dâ dimóndi patimènt. Na sira la Rachel, laurànd p'r al giurnàl dal pòst ad Max Rourke (Simon Baker), al “Daily Astorian”, la vèṅ a savēr ch'i aṅ catâ 'l cadàvar 'd un ragasōl cun la ghigna dasfurmàda par la paùra. Davśèṅ a lò a gh'è na śōvna ch'la gira in un stat catatònic.
La Rachel l'è sicùra ch'a gh sia insaplàda in mèś la Samara e la và là subìt par bruśàr la caséta vìddeo. Par saltàr-ag fóra, la giurnalìsta la s mét a pascàr l’Evelyn (Sissy Spacek), la màdar dla putìna maladìda ch'adès la s cata in manicòmi.