Ellie Parker

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Ellie Parker
Ellie Parker.png
La Naomi Watts in na figùra dal film
id.
2005
Regia: Scott Coffey
Scritùr: Scott Coffey
Atùr: Naomi WattsScott CoffeyRebecca Rigg
Mark PellegrinoKeanu ReevesDavid Baer
Müsica: Neil Jackson
Lengua: Ingléś
Dürä dal film: 95 minüt
Nasiòṅ: Stat Unî


«
Cunquistàr Hollywood 'l è 'n śōg da ragàsi.»
(Tagline dal film)


Ellie Parker (id.) 'l è 'n film dramàtic dal 2005 scrit e dirèt par Scott Coffey ch'al tōś spunt da 'n sò curtumetràǵ ad quàt'r an prima preśentâ a 'l Sundance Film Festival. In dla part dal basìsta dal grup rock di Dogstar a gh'è 'l atōr Keanu Reeves.

Custàda quàtar migliòṅ ad dòlar, la pelìcula la 'n à pò fat sù sōl quarànta-sincmìla a 'l incìrca.

Sunt

L’Ellie Parker (Naomi Watts) l'è na śōvna autragliàna ch'la vrév far l'atōra e par cal mutìṿ chè, cun 'l ajùt anc dal sò agìnt (Chevy Chase), l'è sèmpar drē a far di pruvèṅ in gir p'r i studi dla Califòrgna, pasànd da la ragàsa ch'la vrév spuśàr-as a na drugàda pódga e buchinàra 'd Brooklyn. Purtròp par lē i n la sarnìsan mai cumpàgn a qvél ch'a sucéd anc a la sò amìga Sam (Rebecca Rigg). Quànd la bèca 'l sò muróś chitarìsta hard rock Justin (Mark Pellegrino) a lèt cun n'atra la decìd 'd andàr a star pròpria a cà sua par catàr paś. In cal méntar l’Ellie la và anc da na psicòluga (Kim Fay) parchè la fà fadìga a èsar lē in dla vita 'd tut i dè quànd par lavōr la gh'à par fòrsa tintàr ad piaśēr a tut i cóst a chi àtar.

Un dè un futógrafar ch'al lavóra in dal camp publisitàri, Chris (Scott Coffey), al gh và in dal cûl cun la màchina, dastràt parchè 'l éra drē a dascórar a 'l telefunèṅ. I dū i finìsan p'r andàr fóra insém ma pò, quànd i finìs'n a lèt, 'l óm al capìs 'd èsar fnòć e basta, minga bisesuàl cum al cardìva.

Culegamènt estéran