Nadia Petrova

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


La Petrova la s fà dū pas
La rusa patnàda cun i cavìi tgnû sù a sigóla
La rusa cun al ciòld nég'r adòs e na mòta davśèṅ


La Nadežda Viktorovna "Nadja" Petrova, (Mósca, 8 ad Śugn dal 1982, Надежда Викторовна Петрова in Rus) l'è na tenìsta rusa ch'l'è stada la nùmar tri dal mónd (al 21 ad Mars dal 2005). L'è élta 178 cm par 70 chilo e l'è prufesiunìsta da 'l 1999. La s è stablìda a Miami.

In dla sò caréra l'à vins trédas tìtui WTA in singulàr e vint-a-tri in dópi, rivànd par dū vòlti in semifinàl a 'l Roland Garros (2003 e 2005).

Caréra

La rusa la vins al sò prim turnèo WTA in d'l Utóbar dal 2005 baténd la Patty Schnyder, dòp quàtar finàli pardùdi da la Ai Sugiyama (Linz 2003 e Gold Coast 2004), da la Justine Henin a Berlîṅ 2005 e da la Nicole Vaidišová a Bangkok 2005. Dòp avér purtâ a cà al tìtul ad Doha (cóntar l'Amélie Mauresmo) la dvénta la nùmar sinc dal mónd.

In dal 2006 la taca a vìnsar anc in sla tèra (vérda a Amelia Island e Charleston cóntar la Francesca Schiavone e la Patty Schnyder, rósa a Berlîṅ cóntar la Justine Henin).

In dal 2007 la pèrd da la Serena Williams a gl'Australian Open par 1-6 7-5 6-3 dòp èsar stada avànti 6-1 5-3 e servìsi. A Parì la pèrd incóra in tri sét a 'l quàrt tùran da l'Ana Ivanović. La finìs 'l an a 'l 14śum pòst. In dal 2008 la pèrd subìt a Gold Coast da l'itagliàna Tathiana Garbin. Quànd la riva a gl'Australian Open la céd a l'Agnieszka Radwańska par 6–1 5–7 0–6: anca chè l'éra avànti lē 6-1 3-0 prima ad lasàr-'g al péni. Stés quèl in sl'èrba 'd Eastbourne: la pulàca la vins incóra in dla finàla par 6–4 6–7 6–4. La rusa la s tōś l'arvìnsida sèg in dal 2012 quànd la la bat in dla finàla ad Tokyo par 6–0 1–6 6–3. Sémp'r in dal 2012 la Petrova la vins anc 's-Hertogenbosch (cóntar l'Urszula Radwańska) e a Sòfia (cóntar la Caroline Wozniacki par 6–2 6–1).

In n'intervìsta a na rivìsta ad spòrt rusa, fata in dal Favràr dal 2013, la Nadia la gh và śò péśa in di cunfrònt dla Sara Errani dgénd ch'l'è na piva acsè cuma la sò manéra ad śugàr, nujōś e ch'al ténd a tiràr-la in lung, spétand i śbali ad chi atri[1].

Culegamènt estéran

Nòti