Modena Park 2017

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


«
E quella stronza non s'è neanche preoccupata di dirmi almeno qualche cosa, chessò una scusa... Eeeeh! Si era già dimenticata di quello che mi aveva detto prima: “Mi puoi portare a casa questa sera? Abito fuori Modena, Modena Park!”»
(IT)(Colpa d’Alfredo, 1980)
«
E cla strònsa là la n s è gnanc preucupàda 'd dir-'m almànc un quàlc quèl, na scuśa tant par dir... Eeeeh! La s éra bèla daśmindgàda 'd qvél ch'la m iva dit prima: “Pō't purtàr-'m a cà stasìra? A stag fóra Mòdna, Mòdna Parc!”»
(MUD)
Vasco Rossi tòlt śò in dal 2016


Al Modena Park 2017 'l è stâ 'n cuncèrt dal cantànt Vasco Rossi ch'a gh'è stâ 'l 1 ad Luj dal 2017 par festegiàr i sò quarànt' an 'd caréra.

C'l evènt lè, ch'al s è tgnû a 'l parc Enzo Ferrari 'd Mòdna, 'l è finî in dal Guinness di primâ cuma 'l cuncèrt cun più spetadōr pagànt p'r un sōl artìsta dla stòria, c'n i sò duśènt-vintsincmìla bijét vindû sertificâ par la SIAE[1], baténd un spetàcul di A-ha ch'in dal 1991 a Rio de Janeiro i 'n ìvan fat sù dagnóra duśènt-mila.

A 'l intéran dal parc gl'urganiśadōr i aṅ muntâ 'n palc lung 130 métar, dutâ 'd sinc méga-schér'm a led miténd insém un quèl cuma mèśa biólca (mila-e-sincsènt m²) ad videoscenografī. 'L impiànt àudio 'l éra 'd 750.000 watt culegâ insém par via 'd 100 km 'd câṿ in fibra cun 29 tór par far in manéra che tut i spetadōr i sintìsan bèṅ al sòṅ sénsa di efèt eco o 'd ritóran. I punt luś i èṅ stâ 2.100 mént'r i làśer druâ i èṅ stâ 140.

Al cuncèrt 'l è stâ tarmìś anc in 250 sali 'd cìnema in tut Itàglia e in soquànt palasét dal spòrt faghénd sù acsè àtar sènt-mila spetadōr e rivànd prim a 'l box office baténd, fra 'l àtar, anc gl'àtar nóṿ film più vdû mis insém[2].

'L evènt, minga tut ma sōl vint-i-òt canti par cuntràt, 'l è finî anc in televiśiòṅ in dirèta su Rai Uno in un prugràma cundót par Paolo Bonolis ciamâ La notte di Vasco ch'l à fat sù 5.633.000 spetadōr (36,14% 'd share, dagnóra 'l 50% in Emìglia-Rumàgna[3]). Al pès più vist 'l è stâ Splendida giornata méntar qvél c'n al share più élt, praticamènt al 50%, 'l è stâ Albachiara. Durànt al cuncèrt Bonolis 'l à dascōrs cun soquànt persunàǵ fan o amìg ad Vasco cuma Gaetano Curreri di Stadio, la Milena Gabanelli, Giulio Santagata, Marco Materazzi e la Maddalena Corvaglia e pò 'l à mandâ in ónda di pès dna sò intervìsta ch'l iva fat a 'l rocker ad Zòca tajànd acsè via i braṅ Alibi, Blasco Rossi, Ieri ho sgozzato mio figlio (fat in na ciàṿ doom metal), al medley ad Delusa, Ultimo domicilio conosciuto, Non mi va, Cosa vuoi da me, Sono innocente, 'l interlùdi cun Andrea Braido e Sballi ravvicinati del terzo tipo.

I pès

Al cuncèrt, tacâ a nóṿ óri in punt dla sira e durâ tri óri e mèś, al s è vèrt cun l'intrudusiòṅ dn'òpra 'd Richard Strauss, Zarathustra 'l à dit acsè.

Durànt al spetàcul, in dal mèś di braṅ Bollicine, Blasco Rossi e Non mi va, Vasco 'l à bcâ 'l pulìtig mudnéś dasćiòlda-crist Carlo Giovanardi[4] ch'al gh'iva dâ adòs in di dè precedènt dgénd ch'al vliva di caṅ anti-dròga a i cansèi par cuntrulàr i sò fan[5].

Pès Citasiòṅ Òspit
Colpa d'Alfredo A-j-ò pardû n'atra ucaśiòṅ bòna stasìra, l'è andàda a cà c'n al négar, la rója!
Alibi ’L è stâ pròpria in alóra ch'l us al s è avèrt e 'l è vgnû dèntar 'n óm vistî 'd négar.
Blasco Rossi A védar se cal tisi là 'l rivàva in fiṅ là in fónd andànd in a risć 'd fugàr lò magàri in mèś a 'l mâr par tōr la bèstia.
Bollicine Bév la Coca-Cola ch'la t fà bèṅ, bév la Coca-Cola cola ch'la t fà digerìr cun tuti cal bóli, cal bóli là cini.
Ogni volta Tut al vòlti che qualchidòṅ 'l è in pinsēr par mè, tut al vòlti ch'a séra drē a pascàr-la, tut al vòlti, tut al vòlti quànd.
Medley:
• Jenny è pazza
• Silvia
• La nostra relazione
• La Jenny la n vōl piò dascórar, la n vōl piò śugàr, la vrév sōl durmìr, la Jenny la n vōl piò capìr, la śbadàcia sōl, la n vōl gnanc piò magnàr, la Jenny l'è stufa.
• La Silvia la pónsa dènt'r a la cambra cun na maṅ sóta 'l cusèṅ méntar fóra a spunta 'l matèṅ che fra minga tant al la daśdarà.
• A n è mia 'n segrét dai-mò i al sànan tut e ta n fà minga rìdar quànd at prōṿ a lugàr-'l a la gint ch'la s véd litgàr.
Gaetano Curreri
Anima fragile E adès tè giusà in du sē't, 't arà catâ 'l amōr o cuma mè at pésc sōl di aventùri parchè ta n vō piò piànśar. Gaetano Curreri
Splendida giornata Cuśa impòrta s'l'è finìda e cuśa impòrta s'a gh'ò la góla bruśàda, o nò, qvél ch'a cònta l'è ch'la sia stada na giurnàda maravìa.
Ieri ho sgozzato mio figlio Ajér a gh'à śgusâ mè fiōl, 'l è stâ 'n śbali, 'l è stâ 'n śbali, a cardìva ch'al fus un cunèṅ.
Medley:
• Delusa
• T'immagini
• Mi piaci perché
• Gioca con me
• Stasera!
• Sono ancora in coma
• È solo un rock'n'roll show
• Ta t vistìs semp'r acsè anc in cà parchè di spetadōr lè a n gh 'n è briśa, eh sè tò pàdar 'l è gelóś e misa acsè al n t lasa minga andàr fóra mo in televiśiòṅ sè, giusà parchè!
• Figùr-at la fàcia ch'i farévan se da dmaṅ tut nuàt'r a gh dìs'n un taj dabòṅ.
• Ta m piàś parchè 't sē na purcùsa, parchè 't sē na purcùsa, parchè 't sē buśiàrda, parchè 't sē buśiàrda, parchè 't sē bastàrda, parchè 't sē bastàrda.
• Cum 't impinìs bèṅ i tò jeans, at gir cum una di films, c'n i tac dagnóra 't galéǵ, at gh'à di muimènt ch'ta m dasténd.
• Vō't ch'a t diga cuś l'è? Próa a 'rmàgnar mèg stasìra!
• Ajér sira at s è vgnuda fóra mèg, stamatìna 'l è bèla 'l tèrs cafè ch'a bév, a-j-ò fat anc na dócia ślada ma l'è cuntàda a gnint, a sòṅ incóra in còma.
• Vîṅ-'t a far un gir su 'l mè rock'n'roll, minga vultàr-'t indrē, a n t dig briśa 'd nò.
Ultimo domicilio conosciuto A séguit dl'ingiunsiòṅ dal pretōr Grassi 'd Bulógna ch'l à urdnâ par mèś d'l escoport al dastàc ad tut gl'ènt ràddio dgl'emitènti privàdi... Maurizio Solieri
Vivere una favola Quànt ch'i cùran cuntènt, guàrda in di prâ, a farév incòsa, a n vój minga cùrar e tè ta n riderà briśa, a darév incòsa par star su na nuvla.
Non mi va Minga difénd'r-at cun l'inucénsa che fra 'l àtar ta n gh'à mia e briśa dmandàr-'m ad far sénsa, at finirév in di guàj, a n m stà minga bèṅ ch'at stà sèmpar bèṅ ch'at fà finta 'd gudēr, nò a n m và minga gnanc un pôc!
Cosa vuoi da me Ma 'l sà't almànc csa vō't? Cuśa vō't da mè, cuśa fà't, cuśa pésc-at?
Siamo soli Vìvar mèg, at gh'à ragiòṅ, at gh'à ragiòṅ tè, a n è minga fàcil, a n 'l è mai stâ par mè, mè ch'a gh cardìda da piò ad tè ch'a fus pusìbil, mucla 'd piànśar, a sém da par nuàtar.
Come nelle favole A crésar di putèṅ, avēr di vśèṅ mè e tè, mè e tè, culgâ su 'n divàṅ, dascórar dal più e dal méno, mè e tè, mè e tè cum in dal fòli.
Vivere Vìvar o vìvar tgnénd bòta sénsa lasàr-as mai andàr e cumbàt'r e lutàr cóntar tut cóntar! Incō a n gh'ò minga tèmp, incō a vój armàgnar śmòrs, vìv'r e sprar 'd star méj, vìv'r e n èsar mai cuntènt, vìv'r e 'rmàgnar sèmp'r a 'l vènt a vìv'r e a surìdar di guàj pròpria cuma ta n à fat mai e pinsàr ch'admàṅ a sarà sémpar méj!
Sono innocente A sòṅ inusènt ma a n m fîd piò, a gh'ò sōl na quànc multa da pagàr, na quànc madśìna e 'n quàlc ròsp da mandàr śò, sòṅ-j-a inusènt o nò? A s fà qvél ch'a s pōl.
Rewind Quànd a t véd balàr a vrév murìr, a vrév strìnś'r i bras, i bras atàc a 'l còl e baśàr-at, baśàr-at dapartùt.
Liberi liberi S'a gh fus stâ 'n mutìṿ par star chè a t giûr sà't a sarév armàś sè, a sòṅ sicûr che s'a fus stâ par mè adès a gh'è 'l caś ch'a sarév laureâ e magàri se lē la fus armàśa mèg adès a sarév spuśâ.
Interlùdi 2017 Andrea Braido
Il tempo crea eroi E 'l tèmp in cal mént'r al créa di eròe mént'r al Sōl al bruśa incóra p'r i cas suo.
Una canzone per te Ma 'l canti i èṅ cum i fiōr, i nàsan da par lōr, i èṅ cum i sógn e a nuàt'r a n s armàgn àtar da far che scrìv'r-i in présia parchè pò i sparìsan e i n s arcòrdan piò.
L'una per te A sòṅ sōl adrē a dir ch'a t vój bèṅ e ch'a n gh'ò minga paùra adès che s'a guàrd in élt a gh'è incóra la luna e chè davśèṅ a gh'ò tè!
Ridere di te Lasa pèrdar ch'un quàlc an da piò, par furtùna ch'at sē sicùra tè, mè a stag cumpàgn e adès a pèns giusà quànti vòlti 't à ridû 'd mè.
Va bene, va bene così Buśiàrda quànd at cunvîṅ, vèrsa't pur da bévar, 'l è sèmpar là in du 't sà tè, à't fat a mènt ch'a sém drē a far 'l amōr, sè?
Senza parole E a-j-ò guardâ dènt'r a n'emusiòṅ e a gh'ò vdû dèntar dimóndi amōr ch'a-j-ò capî parchè a n s cmanda minga a 'l cōr e a và bèṅ acsè, sénsa paròli.
Stupendo Al règhli i èṅ acsè, l'è la vita e l'è óra ch'at crés, at gh'à da tōr-la acsè! Sè, stupénd, a m vîṅ 'l urt dal gòmit! A n pòs far-ag gnint.
Gli spari sopra S'a sî qvéi còmad ch'a stâ bèṅ vuàtar, se chi àt'r i vìvan par gnint parchè i fùrùb a sî vuàtar, at vidrà che cal pòst chè, cal pòst chè 'l è beatiful!
Sballi ravvicinati del terzo tipo E sènt-mila òć i s èṅ vultâ a guardàr al cēl c'n un suspîr alśēr, sè da cla banda lè, l'è da cla banda ch'i sarévan vgnû lōr, a 'l iva dit cal vèć mat ch'al stava su 'l mònt.
C'è chi dice no A gh'è quèl ch'a traśa in cal cēl chè, a gh'è qualchidòṅ ch'al n sà gnanc piò che ór' è, a gh'è ch'a diś quà a gh'è ch'a diś là, mè a n m móṿ minga.
Un mondo migliore Sà't, èsar lìb'r a cósta sōl un quàlc rimpiànt, sè, 'l è pusìb'l incòsa anc crédar ch'a pòsa eśìst'r un mónd mijór.
I soliti Nuàt'r a sém i sòlit, qvéi acsè, a sém i difìcii fat acsè.
Sally Parchè la vita 'l è 'n śgriśōr ch'al vóla via, 'l è tut 'n equilìbri 'd śōvar la matéria, śōvar la matéria! Sènt ch'a piōṿ fóra, sènt che bèl rumōr.
Un senso A vój catàr un sèns a cla vója chè anc se cla vója chè un sèns la n gh 'l à minga, sà't cuś a pèns, che s'la n gh'à briśa 'n sèns, admàṅ al rivarà, admàṅ al rivarà listés.
Siamo solo noi A sém sōl nuàtar qvéi che pò i mōran prèst qvéi che però 'l è listés, a sém sōl nuàtar ch'a n ém piò gnint da dir a gh'ém sōl da gumitàr.
Vita spericolata A vój na vita ch'la s in fréga, ch'la s in fréga 'd tut sè! A vój na vita ch'a n è mai tard, 'd qvéli ch'ta n dòrum mai, a vój na vita, at vadrà ag vita, at vadrà!
Canzone E stasìra in dal lèt a mitrò na quàlc quèrta in più sinò a gh'arò fréd sénsa avēr-at sèmp'r adòs e a sarà trist a 'l sò ma la lòrgna però la s pōl saràr dènt'r a na cansòṅ ch'a cantarò.
Albachiara Na quàlc vòlta at fà di pinsēr strâṅ, cun na maṅ, na maṅ, ta t tóc pianèṅ, tè da par tè dènt'r a la cambra e tut al mónd ad fóra. Curreri, Solieri, Braido

Furmasiòṅ

Òspit

Nòti