Maurizio Solieri

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Al cantànt dla basa Solieri


Maurizio Solieri (Cuncòrdia, 28 'd Avrìl dal 1953) 'l è 'n chitarìsta emigliàṅ, famóś p'r avér sunâ par dimóndi tèmp cun Vasco Rossi e anc c'n al grup dla Steve Rogers Band e dal Custodie Cautelari.

Biugrafìa

Solieri al nas in dla basa mudnéśa in dal 1953. Sò pàd'r al fava 'l mèdag 'd mistēr. Fiṅ da pìcul al tgniva adrē a Elvis Presley e a di grup rock cuma Rolling Stones e Led Zeppelin ólt'r a Jimi Hendrix e a i Beatles.

In dal 1976 al cgnóś Vasco Rossi e al taca a lauràr sèg dand anc al sò cuntribùt a 'l canti cuma in Canzone, Ridere di te, Dormi dormi e Lo show. Da 'l 1988 a 'l 1990 al pasa a la Steve Rogers Band, grup mudnéś cgnusû specialmènt p'r al sìngul Alzati la gonna (Tirà't sù la stanèla). In dal 1991 al tórna a sunàr la chitàra da 'l viṿ par Vasco Rossi ch'l al ciàma “al fiōl pròdig” in sal palc.

In dal 1995 al gh dà incóra 'n taj ma pò al tórna da 'l „cmandànt“ quànd a mōr Massimo Riva par n'uverdóś 'd eruìna. Al sunadōr 'd La Cuncòrdia 'l armàgn sèg in fiṅ a 'l 2012 quànd al „Blasco“ al gh dà 'l bènsarvî via Facebook dgénd-ag «Fà't dar» e cunsiliànd-'g ad «Tgnir-'s adrē» [1].

Discugrafìa

Solieri (a dèstra) tòlt śò insém a Vasco Rossi

Da par lò

  • 2010 - Volume I
  • 2014 - Non si muore mai

cun la Steve Rogers Band

  • 1982 - Neve nera/Prendi e scappa sìngul
  • 1986 - I duri non ballano
  • 1988 - Alzati la gonna
  • 1989 - Steve Rogers Band
  • 1990 - Sono donne
  • 1993 - The best racòlta
  • 2006 - Questa sera rock'n'roll da 'l viṿ

c'n al Custodie Cautelari

  • 1998 - Fax
  • 1999 - La Vita Tutta
  • 2000 - Musica/Vivere
  • 2002 - Notte delle Chitarre
  • 2005 - Se Sto Male C'è La Musica

Nòti

Culegamènt estéraṅ