Lio

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La Lio tòlta śò in dal 2013


«
Eh toi, dis-moi que tu m'aimes, même si c'est un mensonge et qu'on n'a pas une chance, la vie est si triste, dis-moi que tu m'aimes, tous les jours sont les mêmes, j'ai besoin de romance.»
(FR)(Amoureux solitaires, 1980)
«
Vê tè, dì-'m ch'ta m vō bèṅ, anc s'l'è na bala e ch'a n gh'è mia dal pusibilità, la vita l'è 'n fat vilimènt, dì-'m ch'ta m vō bèṅ, i dè i èṅ tut cumpàgn, a gh'ò biśógn 'd afèt.»
(MUD)


La Vanda Maria Ribeiro Furtado Tavares de Vasconcelos (Mangualde, 17 ad Śugn dal 1962), cgnusùda méj c'n al nóm 'd art ad Lio, persunàǵ dal fumét Barbarella, l'è na cantànta e atōra purtughéśa, naturaliśàda bèlga.

In dla sò caréra, in du l'à fat vgnir fóra nóṿ àlbum e quàtar racòlti, a livèl muśicàł la s è fata cgnós'r in Európa di an Utànta par soquànt sìngui cantâ in francéś cuma Amoureux solitaires, ch'al gh l'à cavàda a piasàr-'s a 'l prim pòst in Frància e Itaglia, Mona Lisa e Le Banana Split.

Da 'l 1985 in avànti l'à tòlt part anc a dimóndi film, da spés dirèt par dal dóni, cuma Carnage cun la Chiara Mastroianni e Une vieille maîtresse cun l'Asia Argento e a soquànt spetàcui televiśìṿ cuma Nouvelle Star, The voice Belgique e Danse avec les stars.

Sustenidōra dal grup dal Femen, la gh'à siē fiōi.

Discugrafìa

La Lio in dal 2010
  • 1980 - Lio
  • 1983 - Amour toujours
  • 1986 - Pop model
  • 1988 - Cancan
  • 1991 - Des fleurs pour un caméléon
  • 1996 - Wandatta
  • 2000 - Je suis comme ça - Lio chante Prévert
  • 2006 - Dites au prince charmant
  • 2009 - Phantom featuring Lio
  • 2018 - Lio canta Caymmi

Filmugrafìa

Culegamènt estéran