La sposa turca

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Gegen die Wand
La sposa turca
Sposa turca.png
La Sibel Kekilli in na figùra dal film
La spóśa turca
2004
Regia: Fatih Akın
Scritùr: Fatih Akın
Atùr: Birol ÜnelSibel KekilliGüven Kıraç
Meltem CumbulDemir GökgölAysel Iscan
Mehmet KurtulusCem AkınOrhan Güner
Müsica: Alexander Hacke • Maceo Parker
Lengua: TedéscTurcIngléś
Dürä dal film: 121 minüt
Nasiòṅ: GermàgnaTurchìa


«
Ta n sà minga dabòṅ quànt dimóndi 't pō amàr.»
(Tagline dal film)


La sposa turca (La spóśa turca) 'l è 'n film dramàtic dal 2004 ad Fatih Akın ch'al 'l à anc scrit e prudót (in part). La pelìcula l'à vins 'l Ōrs 'd Òr a 'l 54śum Fèstival 'd Berlîṅ e anc un Prèmi Goya. In dla culòna sunóra, insém a di pès turc, a gh'è anc I Feel You di Depeche Mode e Temple of Love di The Sisters of Mercy feat. Ofra Haza.

A 'l cìnema 'l à fat sù da piò 'd ùndas migliòṅ ad dòlar.

Sunt

Cahit Tomruk (Birol Ünel) 'l è 'n turc uriginàri 'd Mersin ch'al viṿ a Ambûrg in Germàgna. Dòp la mòrt ad sò mujér al s è ardùt a 'n stras umàṅ andànd in depresiòṅ e tacànd a bévar cuma 'n puòs. Dòp avēr pruâ anc a tōr-as la vita stablénd-'s atàc a 'n mur cun la màchina, al s salva par miràcul finénd però a 'l uśdàł c'n un brut cōlp ad scùria a 'l còl.

Lè al cgnós na ragàsa turca ciamàda Sibel Güner (Sibel Kekilli) ch'l'à pruâ anc lē a masàr-as tajànd-'s al véni di bras parchè la n s cumpatìva piò la sò famìja a 'l antìga, specialmènt sò pàdar Yunus (Demir Gökgöl) e sò fradèl Yilmaz (Cem Akın) ch'i gh stàvan sèmp'r adòs e ch'i la cmandàv'n in tut. La ragàsa la dmanda a Cahit ad spuśàr-la par psēr andàr via 'd cà, esénd lò 'n turc la sò famìja la n gh'arév da dir gnint. A sarév sōl un matrimòni 'd faciàda e Cahit al gh'astà ma pò tut dū i fànan la vita 'd prima, lò al cuntìnua a gusàr-as na paruchéra, la Maren (Catrin Striebeck), méntar lē la và a pascàr i masć in discutéca.

Un dè Cahit al masa par daśgràsia òṅ di amànt dla sò spóśa, Şeref (Güven Kıraç), finénd in parśòṅ méntar la famìja dla Sibel la la scanśèla da la sò vita p'r un fat 'd unōr e 'd argój.

Culegamènt estéran