La soldatessa alla visita militare
|
C'l artìcul chè 'l è scrit in
Miranduléś |
 La soldatessa alla visita militare | ||
 L'Edwige Fenech e Gullotta in na figùra dal film | ||
| La suldàda a la vìśita militàra 1977 | ||
|---|---|---|
| Regìa: Nando Cicero | ||
| Scritōr: Annie Albert Nando Cicero • Francesco Milizia | ||
| Atōr: Edwige Fenech • Renzo Montagnani Alvaro Vitali • Leo Gullotta • Michele Gammino Mario Carotenuto • Graziella Polesinanti Enrico Beruschi • Nino Terzo • Lucio Montanaro Renzo Ozzano • Jacques Stany • Tiberio Murgia | ||
| Müsica: Piero Umiliani | ||
| Léngua: Itagliàṅ | ||
| Dürä dal film: 80 minüt | ||
| Nasiōṅ: Itàglia • Frància | ||
La soldatessa alla visita militare (La suldàda a la vìśita militàra) l'è na cumèdia dal 1977 ad Nando Cicero.
In Spaggna l'è vgnuda fóra c'n al tìtul ad “La doctora arma el lío” mént'r in Frància i la cgnósan cuma “La toubib et les enfoirés” e in Germâgna cuma “Die letzten Heuler der Kompanie”.
Sunt
[mudéfica la surzéia]L’Eva Marini (Edwige Fenech) la fà la dutōra in un camp 'd adestramènt par militàr ma la vrév far la suldàda anca lē parchè la pénsa che cal dóni i gh'àppian dirìt cumpàgn a i óm, sōl ch'la gh'à di prubléma a tgnir stric al sugamàṅ quànd la fà la dócia ch'a gh vèṅ fóra incòsa.
A i órdan dal culunèl Narciso Fiaschetta (Renzo Montagnani), un tisi dimóndi catìṿ ch'al mét paùra infìṅ anc a 'l sergînt (Renzo Ozzano), e dal dutōr Lopez (Leo Gullotta) i èṅ rivâ da pôc un grup ad śuvnòt nóṿ. Gavino Piras (Michele Gammino) 'l è 'n sardagnōl arvèrs ch'al n s lava mai e ch'al gh'à di cavìi négar ris ch'al pâr na pégra, Alvaro (Alvaro Vitali) al s fà sèmpar dal pugnéti ma a gh sarà anc un mutìṿ s'al sò scutmàj 'l è „Quatarmàṅ“, dimóndi méj ad Montanaro (Lucio Montanaro) ch'al gh'à 'l muròidi o ad qvél ch'al gh'à i piōć.
Durànt un bal ad grup, a gh tōś part anc al prēt (Enrico Beruschi), la Marini la ciàpa na còta par Gavino ch'al la vliva purtàr via a fòrsa. Anc s'al spusa cuma 'n éndas la s cumpatirà 'n pôc.