La maledizione di Damien

Da Wikipedia.

C'l artìcul chè 'l è scrit in Miranduléś Emiliàn

Damien: Omen II
Omen II - La maledizione di Damien

Jonathan Scott-Taylor in na figùra dal film
Omen II - La maladisiòṅ ad Damien
1978
Regìa: Don Taylor
Scritōr: Harvey Bernhard
Stanley Mann • Mike Hodges
Atōr: Jonathan Scott-TaylorWilliam Holden
Lee GrantRobert FoxworthMeshach Taylor
Sylvia SidneyLew AyresElizabeth Shepherd
Lance HenriksenLucas DonatNicholas Pryor
Müsica: Jerry Goldsmith
Léngua: Ingléś
Dürä dal film: 107 minüt
Nasiōṅ: Stat Unî


«
Chi òć lè i t tgnaràṅ adrē dapartùt 't andrà e i tò arbgàt i dvintaràṅ un quèl véra e spavintóś.»
(Tagline dal film)


Omen II - La maledizione di Damien (Omen II - La maladisiòṅ ad Damien) 'l è 'n film ad scarésa americàṅ dal 1978, girâ par Don Taylor c'n un budget stimâ ad siē migliòṅ e òt ad dòlar a 'l incìrca.

'L è 'l secónd tìtul dla sèrie dal Preśàgi dòp Omen - Il presagio (1976) e prima ad Omen III - Conflitto finale (1981) e a Omen IV - Presagio infernale (1991). In dal 2006 a s è śuntâ pò 'n arfacimènt dal prim film, Omen - Il presagio 6+6+6.

Sunt

Dòp la mòrt di sò genitōr, anc se lò 'l è 'l Antìcrist, fiōl ad Sàtana e dna siacàla, Damien Thorn (Jonathan Scott-Taylor) al và a star da sò sio Richard (William Holden) e da sò mujér Ann (Lee Grant). Chi lōr i gh'aṅ bèla 'n fiōl, Mark (Lucas Donat), ma i al tràtan cumpàgn. In cà a gh'è anc 'n atra sîna, la Marion (Sylvia Sidney), ch'la taca a naśàr quèl dòp soquànt tèmp ma la n fà minga in tèmp a far gnint parchè ad nòt na curnàcia négra la vóla in dla sò cambra da lèt e la gh fà carpàr al cōr. Esénd lē dimóndi vècia, ninsòṅ a suspèta gnint.

Damien e Mark i partìsan par l'acadèmia militàra. Damien al gh dà dèntar dimóndi e al vins la “siàbla 'd unōr”, sóta i òć cuntènt dal sergînt Neff (Lance Henriksen) ch'al gh dà sèmp'r al sò apòǵ. In cal méntar l'indùstria 'd famìja, ch'la vénd di gènar alimentàr, la s mét in cundisiòṅ ad culuniśàr al mónd, sóta 'l cuntròl dal lósc Paul Buher (Robert Foxworth). Tut qvéi ch'i s métar cóntar Damien i mōran.

Un dè Damien al vèṅ a savēr 'd èsar lò 'l Antìcrist parchè al tasta 'd avér-'g al nùmar 666 in sal cupét. Subìt 'l è dasprâ ma pò al s fà càrag dla sò puśisiòṅ e al cópa Mark, faghénd-al pasàr p'r incidènt, quànd anc qvést chè al capìs chi 'l è lò dabòṅ. La sōla manéra par farmàr l'òpra dal demòni l'è qvéla ad scurtlàr Damien druànd i sèt pugnài ad Megiddo.

Culegamènt estéran