Omen IV - Presagio infernale

Da Wikipedia.

C'l artìcul chè 'l è scrit in Miranduléś Emiliàn

Omen IV: The Awakening
Omen IV - Presagio infernale

L'Asia Vieira in na figùra dal film
Omen IV - Preśàgi infernàl
1991
Regìa: Jorge MontesiDominique Othenin-Girard
Scritōr: David Seltzer
Harvey Bernhard • Brian Taggert
Atōr: Faye GrantMichael WoodsAsia Vieira
Michael LernerMadison MasonAnn Hearn
Megan LeitchJim ByrnesDon S. Davis
Duncan FraserSusan ChappleDana Still
Müsica: Jonathan Sheffer • Jerry Goldsmith
Léngua: Ingléś
Dürä dal film: 97 minüt
Nasiōṅ: Stat UnîCànada


«
I dgìvan ch'l'éra finìda. I s éran śbaliâ.»
(Tagline dal film)


Omen IV - Presagio infernale (Omen IV - Preśàgi infernàl) 'l è 'n film ad scarésa americàṅ e canadéś dal 1991, pinsâ par la televiśiòṅ, girâ par Jorge Montesi e par Dominique Othenin-Girard, mandâ a cà in cōrs 'd òpra da i prudutōr parchè batśâ minga bòṅ.

'L è 'l quàrt tìtul dla sèrie dal Preśàgi dòp Omen - Il presagio (1976), Omen II - La maledizione di Damien (1978) e Omen III - Conflitto finale (1981). In dal 2006 a s è śuntâ pò 'n arfacimènt dal prim film, Omen - Il presagio 6+6+6.

Sunt

Al pulìtic Gene York (Michael Woods) e sò mujér Karen (Faye Grant), a n psénd minga avér di putèṅ, i decìdan ad tōr-an òṅ in adusiòṅ da 'n urfanutròfi purtâ avànti da dal sóri. I sarnìsan na putìna incóra in fasi ciamàda Delia (Asia Vieira).

Da cal mumènt lè in avànti i tac'n a sucédar dal daśgràsi, una a drē a cl'atra. A la màdar superiōra (Susan Chapple) a gh vèṅ un cōlp, acsè cum a 'l prevòstar ch'l iva pruâ a batśàr-la, pàdar Mattson (Duncan Fraser). Cl'àtra sōra ch'l'iva dâ la putìna in adusiòṅ, l’Yvonne (Megan Leitch), la taca a far la putàna cun al nóm 'd art ad Felicity.

In cal méntar la Delia la dvénta più granda e la taca a 'ndàr a scōla, dòp èsar stada salvàda a 'l ùltim da 'n cagnàs négar méntar l'éra drē a finìr sóta 'n càmion. In cà i York i tōś'n na śōvna par tgnir-'g adrē, la Jo Thueson (Ann Hearn), una ch'la và mata par 'l eśuterìśum. Insém a 'l sò muróś Noah (Jim Byrnes) i vènan a cgnósar la véra in sla Delia, a sarés a dir che lē l'è 'l Anticrìst, la fiōla ad Damien Thorn, abùda prima 'd murìr, e dna siacàla. A gh pénsa 'l caṅ a cupàr-la.

Culegamènt estéran