La fiammiferaia
|
C'l artìcul chè 'l è scrit in
Miranduléś |
 Tulitikkutehtaan tyttö
| ||
| La fiammiferaia | ||
 La Kati Outinen in na figùra dal film | ||
| La dóna di fulminànt 1990 | ||
|---|---|---|
| Regìa: Aki Kaurismäki | ||
| Scritōr: Aki Kaurismäki | ||
| Atōr: Kati Outinen • Esko Nikkari • Elina Salo Vesa Vierikko • Reijo Taipale • Richard Reitinger Silu Seppälä • Marja Packalén • Outi Mäenpää Helka Viljanen • Kurt Siilas • Klaus Heydemann | ||
| Müsica: The Renegades • Pëtr Il'ič Čajkovskij Melrose • The Strangers • Nardis • Olavi Virta | ||
| Léngua: Finlandéś | ||
| Dürä dal film: 68 minüt | ||
| Nasiōṅ: Finlàndia • Śvèsia | ||
La fiammiferaia (La dóna di fulminànt) 'l è 'n film dramàtic dal 1990 'd Aki Kaurismäki.
'L è al sò ùltim lavōr dla trilugìa di pardènt dòp Ombre nel paradiso dal 1986 e Ariel dal 1988.
Sunt
L’Iris (Kati Outinen) l'è na pòvra ragasōla ch'la fà na vita ch'l'è na piva. La gh'à 'n pòst in na fàbrica 'd fulminànt e quànd la tórna a cà la gh'à da mantgnìr na màdar (Elina Salo) ch'la n fà gnint tut al dè e 'n pàdar (Esko Nikkari) ch'al la pìcia. 'L ùnic sò divertimènt 'l è qvél 'd andàr ad sira in na sala da bal in dua però la stà da par lē parchè ninsòṅ al gh s davśìna anc parchè lē l'è sèmpar vistìda mâl.
Un dè la decìd ad spianàr un vistî nóṿ e la 'l tîṅ listés anc se sò pàdar al gh mòla di marùc par far-'g-al purtàr indrē. Cla sira lè la cgnós un śóvan pîṅ ad bèsi, Aarne (Vesa Vierikko), ch'al la pòrta a cà sèg p'r andàr-'g a lèt.
Cardénd 'd avér catâ 'l óm dla sò vita, l’Iris la próa a purtàr avànti la relasiòṅ ma quàl là al n in vōl savér e al gh diś 'd a n far-as piò védar. Quànd lē la s rénd cònt 'd aspetàr un putèṅ da lò, la fà 'n ùltim tentatìṿ par métar-'s insém ma Aarne al n céd minga, tut àtar, al gh manda anc na létra cun di bèsi dèntar par far-la 'burtìr.
A n psénd-an piò, cun la sò vita ch'la par andàr in 'sòṅ sit, la ragàsa la decìd 'd andàr a star da sò fradèl (Silu Seppälä). La tōś pò dal vlèṅ par sórag par masàr i sò genitōr e anc Aarne.