Pëtr Il'ič Čajkovskij

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Čajkovskij a vint an


Pëtr Il'ič Čajkovskij, da spés scrit Ciajkovskij, Ciaikovski o Tchaikovsky (Votkinsk, 7 ad Maǵ dal 1840 - San Pirènbûrg, 6 ad Nuvémbar dal 1893, Пётр Ильич Чайковский in rus, a s lèś /ˈpʲɵtr ɪlʲˈjitɕ tɕɪˈkofskʲɪj/, scólta'l chè) 'l è stâ 'n cumpuśidōr rus, famóś p'r al sò cumpuśisiòṅ dal repertòri clàsic. In dla sò caréra 'l à mis insém la mùśica dla tradisiòṅ rusa c'n al stîl dla mùśica clàsica andànd in na quàlc manéra cónt'r a la viśiòṅ dal Grup di Sinc più nasiunalìsta.

In fin a 'l 1879 'l à insgnâ a 'l cunservatòri 'd Mósca e 'l éra omosesuàl ma in dal 1877 al s è spuśâ listés cun na dóna ciamàda Antonina Ivanovna Miljukova anc se pò i s èṅ divìś ad fat in dal gir ad na quàlc stmana. 'L à psû lauràr a tèmp pîṅ a 'l sò cumpuśisiòṅ c'n i bèsi ch'la gh śibìva na barunésa ch'a gh piaśìva la sò mùśica, la Nadežda von Meck, e pò anc al zar. In dla sò vita 'l à girâ da spés in Európa, in Frància, Itàglia, Germàgna e àtar paéś incóra.

In dal sò caréra 'l à scrit da tut, da 'l sinfunìi (òt, famóśa l'è la nùmar siē dita „La Patètica“) a gl'òpri (ùndas, cuma „Evgèni Onegin“ o „Rumèo e Giulietta“), da i balét (tri: „La Bèla Indurminsàda“, „Al Lâg di Sign“ e „Al Schisa-nóś“) a la mùśica sinfònica, da cambra e sacra.

La secónda variasiòṅ dal Pas a dū dal II at dal balét „Al Schisa-nóś“ cgnusùda cuma “Balét dla Fata Cunfèt”

'L è mòrt uficialmènt ad coléro ma a s pōl dar anc ch'al s sia tòlt la vita.

Culegamènt estéran