La dottoressa del distretto militare
|
C'l artìcul chè 'l è scrit in
Miranduléś |
 La dottoressa del distretto militare
| ||
 L'Edwige Fenech in na figùra dal film | ||
| La dutōra dal distrét militàr 1976 | ||
|---|---|---|
| Regìa: Nando Cicero | ||
| Scritōr: Nando Cicero Franco Milizia • Marino Onorati | ||
| Atōr: Edwige Fenech • Alfredo Pea • Alvaro Vitali Alfonso Tomas • Mario Carotenuto • Nino Terzo Carlo Delle Piane • Jimmy il Fenomeno | ||
| Müsica: Piero Umiliani | ||
| Léngua: Itagliàṅ • Napulitàṅ | ||
| Dürä dal film: 96 minüt | ||
| Nasiōṅ: Itàglia | ||
La dottoressa del distretto militare (La dutōra dal distrét militàr) l'è na cumèdia dal 1976 ad Nando Cicero.
Sunt
P'r a n far minga 'l militàr, al śōvan Gianni Montano (Alfredo Pea) al próa a far-as pasàr par malâ acsè cuma 'n àtar ragàs, Alvaro Pappalardo (Alvaro Vitali), ma 'l dutōr dal distrét militàr, Federico Frustalupi (Gianfranco D'Angelo), un fùrub ch'al pésca sèmpar da ciapàr dal maséti, al n è minga tant dl'idéa acsè cuma 'l culunèl Farina (Mario Carotenuto). Al capitàṅ mèdag Crispino (Carlo Delle Piane), ch'al vrév far 'l atōr a teàtar, al diś a 'l culunèl ch'l'è rivàda na dutōra nóva par dar na maṅ a Frustalupi, l’Elena Dogliozzi (Edwige Fenech).
Gianni, quànd al la véd, al taca a insuniàr-'s-la sèmpar pinsànd ad far 'l amōr sèg ma 'l gh'à sèmp'r al prubléma ch'al vrév èsar rifurmâ. Quànd la Dogliozzi la capìs ch'l à mis apòsta dal sànguv in dla sò urìna par far crédar 'd avēr-'g un brut mâł, al ragàs al strulga 'n piàṅ difarènt, qvél ad scambiàr al lastri di sò cajòṅ cun qvéli 'd Armando Mazzucca (Guerrino Crivello), un śōvan dasfurtunâ sénsa òrgan genitài, acsè da psēr èsar lasâ a cà. Quànd la Dogliozzi la gh fà arbasàr al mudàndi par na vìśita rendénd-as cònt d'l ingàn, Gianni al gh in cònta n'atra, qvéla 'd ès'r un ragàs pàdar, bandunâ da la sò muróśa turnàda in Finlàndia.