La Bouche

Da Wikipedia.

C'l artìcul chè 'l è scrit in Miranduléś Emiliàn


«
A ha ye heyee wanna be my lover? I must confess girl, yes, I wanna be your lover, take a chance, my love is like no other, on the dancefloor getting down, hold tight, I'll never let you down, my love is definitely the key, like boyz ii men I'm on bended knee, loving you, not like your brother, aw yeah.»
(EN)(Be My Lover, 1995)
«
Sè, vō't ès'r al mè muróś? A gh'ò da vudàr al sac ragasōla, sè, a vój ès'r al tò muróś, tó l'ucaśiòṅ, al mè amōr 'l è difarènt ad tut chi àtar, andànd śò in dla pista da bal, a t tgnarò strica, a n t daludarò mai, al mè amōr 'l è la ciàṿ séns àtar, cum i baghét e i óm a sòṅ in śnòć, vlénd-at bèṅ ma minga in dla manéra ad tò fradèl, sè.»
(MUD)


I La Bouche (La Bóca in Francéś) i èṅ stâ 'n duo muśicàl dal gènar eurodance, prudót p'r al tedésc Frank Farian. I gh fàvan part la cantànta Melanie Thornton e 'l rapper Lane McCray, tut dū americàṅ.

Biugrafìa

La Thornton, cantànta di La Bouche

Al prim braṅ vgnû fóra p'r al prugèt La Bouche, nâ in Germàgna in dua a gh'éra andàda a star la Melanie Thornton par far la cantànta dance, 'l è Sweet Dreams dal 1994. La canta la gh'à un sucès clamuróś in tuta Európa e anc in Austràglia. Anc al secónd sìngul Be My Lover dal 1995 al fà sèntar, tucànd al prim pòst dal clasìfichi tedéschi e austragliàni e la Top 10 in quatòrdas paéś dal nòstar cuntinènt.

Méntar l'éra incóra la cantànta di La Bouche, la Thornton la dà la sò vóś a 'l braṅ Tonight Is The Night di Le Click.

In dal 1996 a vîṅ fóra 'l prim disc dal grup, Sweet Dreams, cun dènt'r i prim dū sìngui e anc da gl'atri canti vgudi fóra da par lōr cuma I Love to Love, Fallin' In Love e Forget Me Nots. Cal lavōr chè al dvénta disc dópi ad plàtin vindénd da piò 'd òt migliòṅ ad còpi in tut al mónd.

In dal 1998 a véd la luś al secónd àlbum, A Moment of Love, c'n i sìngui You Won't Forget Me, Bolingo, S.O.S. e A Moment Of Love e 'l còver I Can't Stand the Rain dl'Ann Peebles, Body & Soul dla Marvin Gardens e Unexpected Lovers di Lime.

Dòp dū àlbum la Thornton la mòla i La Bouche par tacàr na caréra da par lē. Al sò pòst al vîṅ ciapâ par la Natacha Wright e 'l grup al fà vgnir fóra 'l sìngul All I Want in d'l Avrìl dal 2000.

Al 24 ad Nuvémbar dal 2001 la Melanie la mōr in 'n incidènt in aparéć, al vōl dla Crossair nùmar 3597, méntar l'éra drē a 'ndàr a Śurîg p'r un spetàcul televiśìṿ in Śvisra. P'r arcurdàr-la, al prudutōr Farian 'l à muntâ un braṅ (In Your Life) cun la sò vóś a i tèmp di Le Click.

Discugrafìa

Àlbum e Racòlti

Culegamènt estéran