Lêrd ed Colonnata

Da Wikipedia.
C'l artìcul chè 'l è scrit in Carpśàn Emiliàn
Al lêrd ed Colonnata.
Na còunca 'd mèrem strapìna 'd fèti 'd lêrd col spési in sìma.
Soquànti fèti impilèdi dal lêrd.
Na cantèina pina 'd còunchi per la stagionadùra, in na dìta produtóra

Al lêrd ed Colonnata (lardo di Colonnata in itagliàṅ), salùm da l'IGP, 'l è 'l lêrd ch'a s prepèra a Colonnata, na frasiòun dal cumûn ed Carèra, salê, aromatiśê e stagiunê per soquànt tèimp in dal vaschi di só mèrem ed Carèra.

In chel vaschi lè, strulghèdi per la conservasiòun di alimèint, a s egh mèt, ùna in sìm'a cl'ètra, dal bandi 'd fèti 'd lêrd, da mêś a dal stremnèdi 'd sêl e 'd spési. Dôp 'd avér-i tgnudi lè per 6 o 10 méś, a na só taimpradùra particolèra e in dl ambjìnt speciêl dla vasca 'd mèrem, al lêrd ed Colonnata 'l è pròunt. Al selta fóra c'ma dal sfetlèdi mìa più basi 'd 3 cm, tendri, bianchi e 'n pò rośèdi, parfumèdi 'd spési, c'n un pò 'd codga da na banda, e da cl'ètra fàcia, la stremnèda dal spési.

A n's egh'la chèva mìa 'd capìr se storicamèint, cla specialitê chè la deśgnìs dai antìghi ginta céltichi ch'i stèven lè prìma di romàṅ antîg, o s'i la strulghìsen i romàṅ, o i longobêrd, mo dàint'r a Colonnata a s cata incòra incō soquànti butéghi e aśièndi 'd lavurasiòun ch'i eśistìven bèle soquànt sécol indrē.

Vóś lighèdi

Èter progêt

Colegamèint estèren

Referèinsi