Sintùra

Da Wikipedia.
C'l artìcul chè 'l è scrit in Carpśàn Emiliàn
Na sintùra 'd curàma négra.
Un fibiòun lunbêrd edla secònda metê dal VI sécol, catê in na tòmba lunbèrda e adèsa tnû da cât in dal Muśèo Archiològic nasionêl ed Sividêl.

La sintùra, o sìngia o sinta (cintura in itagliàṅ) l'è na banda abàsta sutìla e tendra, despès ed pèla, curàma, mo anca 'd stófa o 'd soquànti ètri fibri tresèdi, ch'a s mèt dintór'n ai fiànc per tgnìr sù 'l brèghi o na vésta o 'n marsùpi; la s pól druèr anc sōl c'm'acesóri 'd decorasiòun.

La sintùra piò cumùna la gh'à la fìbia da na banda e i bûś da cl èter cô, acsè 'l ardijòun edla fìbia al s egh grapa atâc fichê dèint'r a 'l bûś giùst 'd amśùra. A gh'è pò dagli ètri sorti 'd saradùra dla singia a secònda 'dal stîl edla moda ch'a s vōl tgnìr adrē.

Manéri 'd dìr

  • (CARPŚ) Tirèr la singia, (IT) (lett.) Tirare la cintura, (fig.) Economizzare, Fare economie, Soffrire la fame.[1]
  • (CARPŚ) Sinturèin ed cocodrìl,[2] (IT) Cinturino di coccodrillo.
  • (CARPŚ) Sulèr-'s al sinturòun,[3] (IT) Allacciarsi la cintura.

Vōś lighèdi

Noti e referèinsi

  1. (CARPŚ) e (IT) In dal "Dizionario del dialetto carpigiano", ed Grasiàn Malagoli e Anna Maria Ori, Mòdna 2011, a s escrìv: „Tirèer la sinngia.
  2. Ibidem, a s escrìv: sinturèin èd cocodrìll”.
  3. Ibidem, a s escrìv: „Sulèeres al sinturòun.

Soquànti sintùri negri 'd karatè.

Èter progêt

Colegamèint estèren