L'immoralità
|
C'l artìcul chè 'l è scrit in
Miranduléś |
 L'immoralità
| ||
 Ross e la Karin Trentephol in na figùra dal film | ||
| Minga muràł 1975 | ||
|---|---|---|
| Regìa: Massimo Pirri | ||
| Scritōr: Morando Morandini Jr. Massimo Pirri • Federico Tofi | ||
| Atōr: Lisa Gastoni • Howard Ross • Mel Ferrer Karin Trentephol • Andrea Franchetti • Franco Ferri Mario Tessuto • Wolfango Soldati • Deborah Lupo | ||
| Müsica: Ennio Morricone | ||
| Léngua: Itagliàṅ | ||
| Dürä dal film: 109 minüt | ||
| Nasiōṅ: Itàglia | ||
L'immoralità (Minga muràł) 'l è 'n film dramàtic dal 1978 ad Massimo Pirri.
In na part piculìna, qvéla 'd un pulisiòt, a gh'è anc al cantànt Mario Tessuto.
Sunt
La Vera (Lisa Gastoni) l'è na dóna ch'la s è spuśàda c'n un vèć ardùt a vìvar su na scrana a rudèli (Mel Ferrer) e che lē la n s cumpatìs piò sōl par far la vita da mantgnùda anc s'ad dèntar l'è na malnéta 'd prim órdan tant ch'ad nòt la và fóra 'd cà a ciulàr cun di àt'r óm. La n vōl gnanc un pôc ad bèṅ a sò marè, ch'al tîṅ dacàt par culesiòṅ arlój e sćiòp, e gnanc a la sò baghéta, la Simona (Karin Trentephol), na ragasōla 'd dód'ś an ch'la gh'à interès p'r al bèsti, la gh'à dal galàni e di uśèi, e ch'a pâr che di an la gh 'n àppia dimóndi da piò.
Un dè a riva in dla sò vila 'd campàgna un sasèṅ pedòfil frî a 'n bras, Federico Anselmi (Howard Ross), ch'al gh'à adòs un tenènt ad pulisìa (Andrea Franchetti) e i sò óm. La Simona la s inamóra 'd lò e la 'l lóga in dal caśòt da casa che la sò famìja la gh'à in mèś a campàgna. Quànd la Vera la 'l bèca, saénd che la pulisìa l'è drē a pascàr-al, la s al pòrta a lèt e pò la gh śibìs ad vìv'r insém in mèś a i bèsi a pat che lò al cópa sò marè in cambi. La Simona, ch'l'è gelóśa 'd sò màd'r e ch'la piànś quànd la s rénd cònt ch'i dū i aṅ durmî insém, la salta fóra da la vasca da bagn e la dmanda a Federico ad far 'l amōr sèg parchè la vōl un fiōl da lò.