Lisa Gastoni

 Miranduléś

C'l artìcul chè 'l è scrit in Miranduléś

Prim piàṅ dla Lisa Gastoni

L’Elisabetta Gastone, cgnusùda méj c'n al nóm 'd art ad Lisa Gastoni (Alàs, 28 ad Luj dal 1935), l'è n'atōra itagliàna, vinsidōra dna Targa 'd Òr a i David ad Dunatèl dal 1968 par la pelìcula Grazie zia e ad dū Nàstar 'd Argìnt p'r i film Svegliati e uccidi e Amore amaro.

Biugrafìa

Fiōla 'd 'n itagliàṅ e dn'irlandéśa, in di an dal dòp-guèra la và a star a Lóndra in du la taca na caréra da mudèla e da atōra faghénd al sò debùt in dal 1954 cun Operazione commandos. In di an Ssanta la taca a giràr dal pelìculi anc in Itàglia, soquànti òpri ad fantasiénsa druànd al nóm ad Jane Fate. In chi an lè la lavóra, fra i àtar, par Lucio Fulci, p'r Umberto Lenzi, par Sergio Corbucci, p'r Antonio Margheriti e par Carlo Lizzani.

La Gastoni la cata 'l sucès cun la pelìcula Grazie zia ad Salvatore Samperi in dua la fà na sîna 'n po' purcùsa c'n al sò anvōd Lou Castel. In di an Stanta la tórna a recitàr dal part ad dóni c'n al ciòld fis dal sès in Labbra di lurido blu, in Scandalo e in L'immoralità. Dòp cla pelìcula chè, in dua la pòrta via 'l amànt sasèṅ e pedòfil a la sò putìna ad dód'ś an, la gh dà 'n taj c'n al mónd dal cìnema par pò turnàr a recitàr vint-sèt an dòp a stant'an in Cuore sacro ad Ferzan Özpetek, un regìsta che par lē al gh'à dal talènt ma 'l è anc un turc e arugànt e ch'l impinìs sèmp'r i sò film 'd óm bèi dimóndi e ad dóni ch'i pàran di móstar.

Filmugrafìa

• 1954 - Operazione Commandos (They Who Dare), regìa ad Lewis Milestone
• 1954 - Prigioniero dell'harem (You Know What Sailors Are), regìa ad Ken Annakin
• 1954 - The Runaway Bus, regìa ad Val Guest
• 1954 - Quattro in medicina (Doctor in the House), regìa ad Ralph Thomas
• 1954 - Trafficanti d'oro (Beautiful Stranger), regìa ad David Miller
• 1954 - Il grido del sangue (Dance Little Lady), regìa ad Val Guest
• 1955 - Josephine and Men, regìa ad Roy Boulting
• 1955 - L'uomo del momento (Man of the Moment), regìa ad John Paddy Carstairs
• 1956 - The Baby and the Battleship, regìa ad Jay Lewis
• 1956 - Tre uomini in barca (Three Men in a Boat), regìa ad Ken Annakin
• 1957 - Face in the Night, regìa ad Lance Confort
• 1957 - Second Fiddle, regìa ad Maurice Elvey
• 1957 - The Truth About Women, regìa ad Muriel Box
• 1957 - Man from Tangier, regìa ad Lance Confort
• 1957 - Blue Murder at St. Trinian's, regìa ad Frank Launder
• 1958 - Assassinio X (Rx for Murder), regìa ad Derek Twist
• 1958 - The Strange Awakening, regìa ad Montgomery Tully
• 1958 - Chain of Events, regìa ad Gerald Thomas
• 1958 - Decisione di uccidere (Intent to Kill), regìa ad Jack Cardiff
• 1959 - Wrong Number, regìa ad Vernon Sewell
• 1961 - The Breaking Point, regìa ad Lance Confort
• 1961 - Passaporto per Canton (Visa to Canton), regìa ad Michael Carreras
• 1961 - Le avventure di Mary Read, regìa 'd Umberto Lenzi
• 1962 - Diciottenni al sole, regìa ad Camillo Mastrocinque
• 1962 - Tharus figlio di Attila, regìa ad Roberto Bianchi Montero
• 1962 - Duello nella Sila, regìa 'd Umberto Lenzi
• 1962 - Eva, regìa ad Joseph Losey
• 1963 - I quattro moschettieri, regìa ad Carlo Ludovico Bragaglia
• 1963 - Il monaco di Monza, regìa ad Sergio Corbucci
• 1963 - Il mito, regìa 'd Adimaro Sala
• 1963 - Ro.Go.Pa.G., epiśòdi "Il pollo ruspante", regìa 'd Ugo Gregoretti
• 1963 - Bikini pericolosi (Le Roi du village), regìa 'd Henri Gruel
• 1963 - Gidget a Roma (Gidget Goes to Rome), regìa ad Paul Wendkos
• 1964 - Il vendicatore mascherato, regìa ad Pino Mercanti
• 1964 - I maniaci, regìa ad Lucio Fulci
• 1964 - L'ultimo gladiatore, regìa 'd Umberto Lenzi
• 1964 - Le sette vipere (Il marito latino), regìa ad Renato Polselli
• 1964 - Crimine a due, regìa ad Romano Ferrara
• 1964 - Gli invincibili tre, regìa ad Gianfranco Parolini
• 1964 - I tre centurioni, regìa ad Roberto Mauri
• 1965 - I criminali della galassia, regìa 'd Antonio Margheriti
• 1965 - Le notti della violenza, regìa ad Roberto Mauri
• 1966 - Svegliati e uccidi, regìa ad Carlo Lizzani
• 1966 - L'uomo che ride, regìa ad Sergio Corbucci
• 1966 - I diafanoidi vengono da Marte, regìa 'd Antonio Margheriti
• 1967 - I sette fratelli Cervi, regìa ad Gianni Puccini
• 1968 - La pecora nera, regìa ad Luciano Salce
• 1968 - Grazie zia, regìa ad Salvatore Samperi
• 1969 - L'amica, regìa 'd Alberto Lattuada
• 1970 - L'invasione (L'invasion), regìa 'd Yves Allégret
• 1971 - Maddalena, regìa ad Jerzy Kawalerowicz
• 1973 - La seduzione, regìa ad Fernando Di Leo
• 1974 - Amore amaro, regìa ad Florestano Vancini
• 1974 - Mussolini ultimo atto, regìa ad Carlo Lizzani
• 1975 - Labbra di lurido blu, regìa ad Giulio Petroni
• 1976 - Scandalo, regìa ad Salvatore Samperi
• 1978 - L'immoralità, regìa ad Massimo Pirri
• 2005 - Cuore sacro, regìa ad Ferzan Özpetek
• 2007 - Tutte le donne della mia vita, regìa dla Simona Izzo
• 2009 - Cocapop, regìa ad Pasquale Pozzessere

Culegamènt estéran

• (EN) Filmugrafìa in s'l IMDb

Nòti