Joe Biden

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


«
Mè a créd ch'a gh'è di dirìt naturài ch'i gh'èṅ prima di ducumènt legài o pulìtig basta ch'a sia: a gh'ém chi dirìt chè parchè a sém fiōi 'd Dio»
(Joe Biden)
Biden tòlt śò in dal 2009

Joseph Robinette Biden Jr., cgnusû méj cuma Joe Biden (Scranton, 20 ad Nuvémbar dal 1942, a s lèś [ˈd͡ʒəʊzəf ˌrɒbᵻˈnɛt ˈbaɪdən] in ingléś) 'l è 'n pulìtig americàṅ, mémbar dal partî demucràtic, èx vice-presidènt par Barack Obama e senadōr dal Delaware da 'l 1973 a 'l 2009.

In dal 2020 'l à vins cóntar Bernie Sanders al primàri dal sò partî dvintànd al candidâ demucràtic in dgl'elesiòṅ presidensiàli americàni. Al sò rivàł 'l è 'l presidènt di Stat Unî, al republicàṅ Donald Trump.

Laureâ in Siénsi pulìtighi e in Léǵ, prima 'd dvintàr un pulìtig ad mistēr, Joe 'l à fat 'l avucàt.

Biugrafìa

Uriginàri dna famìglia catòlica dla Pennsylvania cun dal raìś irlandéśi, Biden al s làurea in dal 1965 a l'università ad Newark in Siénsi Pulìtighi e pò in Léǵ tri an dòp a Syracuse. In chi an lè al cgnós la Neilla Hunter ch'al spóśa in dal 1966 avénd sèg tri fiōi: Joseph Robinette Biden dit "Beau", Robert Hunter e la Naomi Christina.

Joe insém a sò mujēr e a gl'Obama

Dòp ès'r-as davśinâ a la pulìtica, in dal 1972 al dvènta senadōr dal Delaware ma pròpria in c'l an lè la sò famìja l'è vitma 'd 'n incidènt in màchina in du i mōran sò mujēr e sò fiōla mént'r i dū masć i armàgnan frî. In dal 1977 Joe al sa spóśa cun la Jill Tracy Jacobs ch'la gh dà na fiōla fémna in dal 1981 ciamàda Ashley. In séguit a mōr anc Beau p'r un cànc'r a 'l sarvèl a quarànta-siē an durànt al sò secónd mandâ a la vice-presidénsa sóta Obama.

In dal 2020 'l è candidâ p'r al sò partî a presidènt di Stat Unî, curénd insém a la sò vice Kamala Harris, senadōra dla Califòrgna.

Culegamènt estéran