Io e Caterina
|
C'l artìcul chè 'l è scrit in
Miranduléś |
 Io e Caterina
| ||
 Sordi, la Caterina e la Fenech in na figùra dal film | ||
| Mè e la Caterina 1980 | ||
|---|---|---|
| Regìa: Alberto Sordi | ||
| Scritōr: Alberto Sordi • Rodolfo Sonego | ||
| Atōr: Alberto Sordi • Edwige Fenech • Valeria Valeri Catherine Spaak • Rossano Brazzi • Elisa Mainardi Susan Scheerer • Victoria Zinny • Andrew I. Miller | ||
| Müsica: Piero Piccioni | ||
| Léngua: Itagliàṅ • Frància | ||
| Dürä dal film: 105 minüt | ||
| Nasiōṅ: Itàglia | ||
Io e Caterina (Mè e la Caterina) l'è na cumèdia dal 1980 'd Alberto Sordi.
Sunt
Enrico Melotti (Alberto Sordi) l'è 'n óm a l'antìga cuma sò nunòṅ. Lò al vrév che sò mujér Marisa (Valeria Valeri) la faghìs la raśdōra invéci qvéla là l'à avèrt na boutique e la n è mai a cà anc parchè 'l matrimòni 'l è mis mâł. Enrico al s è fat la pràtica in dla sò segretària, la Claudia (Catherine Spaak), ma anc chi lē la gh'à dal bali parchè lò al n s decìd minga a mulàr la sò spóśa.
Durànt un viàś 'd afâr in di Stat Unî al sò amìg Arturo (Rossano Brazzi) al gh diś ch'adès al s cata dimóndi bèṅ cun la Katherine, un robot-dóna ch'i aṅ péna invintâ ch'la fà i fat in cà, la dà śò la pólvra, la cuśìna, la lava śò e la stira sénsa mai lamintàr-as e dgénd sèmp'r ad sè a 'l sò padròṅ. Adès cal robot lè i al véndan dapartùt, anc in Itàglia in du a gh'è 'l mudèl Caterina.
Turnâ a Róma Enrico al s litga cun sò mujér, cun la Claudia ch'la s è stufàda 'd spetàr e anc cun la camaréra, la Teresa (Elisa Mainardi), ch'la n vōl minga far-ag na cutuléta parchè 'l è Giuidè e lē la gh'à 'l dòpmeśdè lìbar par cuntràt. 'L óm al decìd acsè ad mandàr-li tuti a giràr al fènic e ad tōr la Caterina, pagànd-la cun dal trati parchè la cósta 'n òć dla tèsta. La Caterina l'è brava in cà e l'è dimóndi tacàda a 'l sò padròṅ parchè i gh'aṅ fat 'l Imprinting ma la taca anc a guardàr tròp la televiśiòṅ e acsè la tōś sù di visi dal gèn'r umàṅ.
Un dè Enrico al cata in piàsa l’Elisabetta (Edwige Fenech), una ch'la lavuràva par sò mujér prima ch'la s licensìs par tacàr a far la mudèla, e al gh śibìs ad pasàr la sira in dla sò vila par far séna e dòpséna. Lì lē la gh astà ma quànd l'è là la Caterina la fà védar 'd èsar gelóśa.