Alberto Sordi

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn


Alberto Sordi (Róma, 15 ad Śugn dal 1920 - Róma, 23 ad Favràr dal 2003, a s lèś [alˈbɛrto ˈsordi] in itagliàṅ) 'l è stâ 'n atōr, regìsta, còmig, senegiadōr, cumpuśidōr, cantànt e ardupiadōr itagliàṅ.

Sordi in na figùra dal film “Buonanotte... avvocato!”

In dla sò caréra 'l à dâ la vóś a 'l persunàǵ 'd Ollio e girâ da piò ad duśènt film, vinsénd al Lèòṅ 'd Òr a 'l Fèstival ad Venèsia in dal 1995, 'n “Ōrs 'd Òr” e òṅ 'd argìnt a 'l Fèstival ad Berlîṅ, un Golden Globe (p'r al film Il diavolo), sèt Dàvid ad Dunatèl e siē Nàstar 'd Argìnt. 'L à laurâ cun soquànt di regìsta itagliàn più impurtànt dal XX sécul cuma Mario Soldati, Alberto Lattuada, Steno, Mario Monicelli, Federico Fellini, Mauro Bolognini, Dino Risi, Luigi Comencini, Ettore Scola, Luigi Magni, Luciano Salce e Sergio Corbucci.

Fra i sò film più impurtànt a 'rcurdém Lo sceicco bianco, I vitelloni, Un americano a Roma, La grande guerra, Il medico della mutua, Nell'anno del Signore, Il prof. dott. Guido Tersilli primario della clinica Villa Celeste convenzionata con le mutue, Bello, onesto, emigrato Australia sposerebbe compaesana illibata, Lo scopone scientifico, Roma, Polvere di stelle, Un borghese piccolo piccolo, I nuovi mostri, Io e Caterina, Il marchese del Grillo, In viaggio con papà e Incontri proibiti, al sò ùltim lavōr fat cun la Valeria Marini.

Culegamènt estéran