In compagnia dei lupi

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Company of Wolves
In compagnia dei lupi
In compagnia dei lupi.png
La Patterson e la Lansbury in na figùra dal film
In cumpagnìa di lóv
1984
Regia: Neil Jordan
Scritùr: Neil Jordan • Angela Carter
Atùr: Angela LansburyStephen ReaJim Carter
David WarnerSarah PattersonTerence Stamp
Tusse SilbergBrian GloverGraham Crowden
Müsica: George Fenton
Lengua: Ingléś
Dürä dal film: 95 minüt
Nasiòṅ: Régn Unî


«
Al deśidèri... La fantaśìa... 'L arbgàt.»
(Tagline dal film)


In compagnia dei lupi (In cumpagnìa di lóv) 'l è 'n film fantàstic e ad scarésa dal 1984 ad Neil Jordan trat da na racòlta ad racònt su i lóv manâr dl'Angela Carter, ch'l'à anc scrit al film insém a 'l regìsta, da 'l tìtul La camera di sangue (La cambra 'd sangṿ).

'L à vins dū prèmi a 'l Fèstival ad Sitges, qvél dla giurìa e qvél p'r al film mijór, e anc quàtar prèmi BAFTA.

Sunt

La Rosaleen (Sarah Patterson) l'è na baghéta ch'la viṿ in insém a sò pàdar (David Warner), a sò màdar (Tusse Silberg) e a sò surèla (Georgia Slowe) in dla campàgna ingléśa davśèṅ a 'l bòsc. La gh'à na fantaśìa dimóndi élta e ad nòt la fà da spés di insùni e di arbgàt anc parchè sò nunóna (Angela Lansbury) la gh cònta da spés dal fòli. Un dè sò surèla, ch'l'iva fat un gir in dal bòsc, la vèṅ catàda mòrta magnàda da i lóv.

Dòp al funeràł la Rosaleen l'armàgn a durmìr da sò nóna, na vècia ch'la pâr fóra 'd tèsta ma ch'invéci la sà di quèi che ch'i àt'r i n s pōlan gnanc imaginàr. La nóna la gh rigàla 'n tabarèṅ rós e pò la gh'inségna a star a 'l mónd arcmandànd-as sèmpar 'd a n mulàr mai al sintēr, ad star atènti a i óm c'n al sóvarśìi tacàdi, ad cgnós'r al difarénsi fra i lóv c'n al pēl ad fóra da i lóv c'n al pēl lugâ 'd dènt'r e ad scapàr via quànd la gh'is da védar 'n óm nûd in dla furèsta cuma s'l'is vdû al Diàv'l in parsòna.

Al dè dòp la Rosaleen la tórna in dal paéś di sò genitōr e la cgnós al fiōl (Shane Johnstone) 'd un sò vśèṅ ad cà (Brian Glover). Al ragàs al s inamóra 'd lē. Cla nòt lè la Rosaleen la bèca i suo mént'r i èṅ drē a gusàr e 'l admàṅ da matìna la dmanda a sò màdar cuś è'l cal sès lè e se sò pàdar 'l è viulènt sèg, arcundànd anc qvél ch'la gh'iva dit sò nóna ad star atènti a i masć. La ragasōla la decìd pò 'd andàr in dal bòsc a far un gir c'n al ragàs dal dè prima e la gh dà anc un baśèṅ ma pò la scapa via par la vargóggna.

In cal mént'r i óm dal paéś i s mét'n insém p'r andàr a dar la casa a i lóv parchè i èṅ tròp inśgōrd e i màgnan sèmp'r al bèsti 'd cà.

Culegamènt estéran