Il postino suona sempre due volte (film 1946)

Da Wikipedia.

C'l artìcul chè 'l è scrit in Miranduléś Emiliàn

The Postman Always Rings Twice
Il postino suona sempre due volte

Garfield e la Turner in na figùra dal film
Al pustèṅ al sòna sèmpar dū vòlti
1946
Regìa: Tay Garnett
Scritōr: Harry Ruskin
Niven Busch • James M. Cain
Atōr: Lana TurnerJohn GarfieldAlan Reed
Cecil KellawayLeon AmesHume Cronyn
Audrey TotterJeff YorkDon Anderson
Müsica: George Bassman
Léngua: Ingléś
Dürä dal film: 113 minüt
Nasiōṅ: Stat Unî


«
Al gh'iva 'd avēr al sò amōr... anc a cōst ad pagàr-al câr!»
(Tagline dal film)


Il postino suona sempre due volte (Al pustèṅ al sòna sèmpar dū vòlti) 'l è 'n thriller noir dal 1946 ad Tay Garnett trat da 'l rumànś dal 1934 The postman always rings twice ad James M. Cain bèla purtâ a 'l cìnema minga ufisialmènt tri an prima par Luchino Visconti cun Ossessione.

Sunt

Nick Smith (Cecil Kellaway) al gh'à 'n risturànt ciamâ Twin Oaks ch'al pòrta avànti insém a sò mujēr Cora (Lana Turner). Un dè a riva lè 'n vagabónd ciamâ Frank Chambers (John Garfield) ch'al taca a lauràr par Nick e la Cora, ch'l'è dimóndi dascuntènta dal sò matrimòni anc parchè sò marè 'l è piutòst vèć e 'l gh'à visi dal bévar, la s inamóra dal furastēr ch'al gh'à i sò an.

Frank e la Cora i dvènt'n amànt e i decìd'n ad far fóra Nick par psēr vìv'r insém a la luś dal sōl tgnénd-'s anc al risturànt che, in caś ad divòrsi, al sarév invéci armàś a Nick lasànd-la a bèc sut. Al tintatìṿ ad masàr-al però al và mâł parchè a 'l ùltim a và via la luś e la dóna, dòp avēr-al frî, la preferìs scapàr via. Al prucuradōr dla cuntèa, Kyle Sackett (Leon Ames), al s insuspetìs ma al n gh'à gnint in maṅ p'r incastràr-i. In séguit Nick al s armét dal tut e un dè al decìd ch'al gh'à da vénd'r incòśa p'r andàr a star in Cànada ch'al gh'à na surèla paraplègica da tgnir adrē cun 'l ajùt dla Cora ch'la gh'arév da far-ag da badànta. Chi lē, vdénd la sò vita andàr sèmpar pèś, la decìd insém a Frank ad far dabòṅ e cupàr sò marè durànt na vacànsa a Malibù, faghénd-ag far 'n incidènt in màchina méntar 'l è imbariàg.

Culegamènt estéran