Il caso Kerenes

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Poziţia copilului
Il caso Kerenes
Caso Kerenes.png
La Gheorghiu e Dumitrache in na figùra dal film
Al caś Kerenes
2013
Regia: Călin Peter Netzer
Scritùr: Călin Peter Netzerv • Razvan Radulescu
Atùr: Luminița GheorghiuBogdan Dumitrache
Natașa RaabIlinca GoiaFlorin Zamfirescu
Müsica: Cristian Tarnovetchi
Andi Arsenie • Mihai Cosmin Popa
Lengua: RumênItagliàṅ
Dürä dal film: 112 minüt
Nasiòṅ: Rumanìa


«
Eśèmpi crûd 'd amōr matèran.»
(Tagline dal film)


Il caso Kerenes (Al caś Kerenes) 'l è 'n film dramàtic dal 2013 ad Călin Peter Netzer ch'al 'l à scrit insém a Razvan Radulescu.

La pelìcula l'à purtâ a cà 'l „Ōrs 'd òr“ a 'l 63śum Fèstival ad Berlîṅ.

Sunt

La Cornelia Kenereș (Luminița Gheorghiu) l'è n'architéta 'd Bùcarest ad ssant'an ch'la fà anc la senegiadōra a teàtar. L'è spuśàda cun 'n óm ch'al n tōś mai puśisiòṅ, Domnul Făgărășanu (Adrian Titieni), e 'l gh'à 'n fiōl ch'l è tuta la sò vita, Barbu (Bogdan Dumitrache). Chi lò 'l à pasâ da pôc i trénta e 'l à decìś 'd andàr a vìvar cun la sò muróśa, la Carmen (Ilinca Goia), na dóna ch'la gh'à bèla na putìna e ch'la n piàś pròpria briśa a la sgnōra Kenereș. P'r al fat che sò màdar la gh stà sèmp'r adòs Barbu al n s la cumpatìs piò e 'l à decìś 'd a n andàr briśa a 'l sò cumpleàn. La dóna la dmanda scuśa a gl'òspit e l'è custréta a balàr meravigliosa creatura dla Gianna Nannini da par lē, sénsa la sò „criatùra maravìja“.

Na nòt Barbu al gh'à 'n incidènt in màchina, p'r un surpàs fat da lò tròp fòrt, e 'n baghét ad tréd'ś an al gh finìs sóta murénd. Par jutàr sò fiōl la Cornelia la và subìt a la stasiòṅ dla pulisìa insém a sò cugnàda, l’Olga Cerchez (Natașa Raab), e pò la ciàpa in maṅ lē la situasiòṅ par paràr via 'l risć dla parśòṅ par sò fiōl.

Culegamènt estéran