Fuoco assassino

Da Wikipedia.

C'l artìcul chè 'l è scrit in Miranduléś Emiliàn

Backdraft
Fuoco assassino

La Jason Leigh e Baldwin in na figùra dal film
Fōg sasèṅ
1991
Regìa: Ron Howard
Scritōr: Gregory Widen
Atōr: Donald SutherlandJennifer Jason Leigh
William BaldwinKurt RussellRobert De Niro
Scott GlennRebecca De MornayJason Gedrick
Müsica: Hans Zimmer
Léngua: Ingléś
Dürä dal film: 135 minüt
Nasiōṅ: Stat Unî


«
Na cria 'd usìgen e la sò arlìa murtàla la sćiòpa.»
(Tagline dal film)


Fuoco assassino (Fōg sasèṅ) 'l è 'n film 'd asiòṅ americàṅ dal 1991 ad Ron Howard ch'al gh'à abû tri nomination a i Prèmi Òscar dal 1992 sénsa però purtàr a cà gnint.

'L è custâ stanta-sinc migliòṅ ad dòlar, investimènt ardupiâ a la fiṅ parchè la pelìcula la 'n à fat sù sentsinquànta-dū.

Sunt

Stephen McCaffrey (Kurt Russell), dit "Bull", e sò fradèl Brian (William Baldwin) i èṅ dū fradèi ch'i faṅ i vìgìi dal fōg par mistēr a Chicago. Dòp la mòrt ad sò pàdar, anc lò vìgil, e dòp avér laurâ insém p'r un sèrt perìud, chi lōr i s èṅ mis in cumpetisiòṅ dvidénd-as. Al prim 'l è a cap dna squàdra, al secónd al s è mis invéci a lauràr insém a Donald Rimgale (Robert De Niro), dit "Òra", cumandànt dal repàrt di vìgii ch'i gh'aṅ da bcar qvéi ch'i 'mpìs'n i fōg apòsta. Soquànt an prima Donald 'l iva farmâ òṅ ad qvi lè, Ronald Bartel (Donald Sutherland).

Adès a gh'è da capìr chi gh'è da drē a di masamènt dulóś ad gint vitmi dal “backdraft”, la fiàma ch'la tórna indrē. Chi lōr in cumùṅ i gh'iv'n al fat ad vlér tajàr i fónd p'r i vìgii dal fōg par métar-'s-i in bisàca lōr. Brian al taca a crédar ch'al respunsàbil al sia pròpria sò fradèl.

Culegamènt estéran