Fiore di carne

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Turks fruit
Fiore di carne
Fiore di carne.png
Rutger Hauer in na figùra dal film
Fiōr ad carna
1973
Regia: Paul Verhoeven
Scritùr: Jan Wolkers • Gerard Soeteman
Atùr: Rutger HauerMonique van de Ven
Tonny HuurdemanHans BoskampMarjol Flore
Wim van den BrinkDolf de VriesBert Dijkstra
Müsica: Rogier van Otterloo
Lengua: Ulandéś
Dürä dal film: 112 minüt
Nasiòṅ: Ulànda


«
...Dòp di piaśēr sénsa lìmit e di quèi eśagerâ sénsa cuntròl.»
(Tagline dal film)


Fiore di carne (Fiōr ad carna) 'l è 'n film dramàtic ulandéś dal 1973 ad Paul Verhoeven trat da 'n rumànś ad Jan Wolkers dal 1969 ciamâ “Olga la rósa”. 'L è stâ candidâ a 'l Prèmi Òscar dal 1973 p'r al film furastēr fat méj ma al n 'l à minga vins.

La pelìcula l'à muciâ sù un sucès clamuróś in Ulànda parchè i 'l aṅ vdû 3.328.804 spetadōr, al 27% di abitànt di Paéś Bas. In dal 1999 al film 'l è stâ batśâ in pàtria cuma 'l nùmar òṅ dal sècul.

Sunt

Erik (Rutger Hauer) 'l è 'n artìsta bohemien ch'al viṿ a Amstèrdam insém a la sò muróśa, la burghéśa Olga (Monique van de Ven) cgnusùda faghénd 'l autostop. Dòp na vita in dua al s purtàva sèmp'r a cà dal ragasōli par ciulàr-'s-li, a pâr ch'adès al faga dabòṅ sèg. Un dè al cgnós sò màdar (Tonny Huurdeman) ma i dū i s bècan subìt parchè lē la n al vōl minga cuma śéndar, un strasàr buletàri bòṅdagnint cumpàgn. Al ròbi però i vànan in na manéra difarénta parchè la còpia la decìd listés ad spuśàr-as.

Dòp un pôc ad tèmp, Erik al s móstra par quèl ch'l è, 'n eguìsta ch'al pénsa sōl par lò, cun l’Olga ardùta a far da ugèt sesuàl e basta. Ma anc lì lē la in fà dimóndi a l'arvèrsa cuma quànd la fà la daśnumóśa cun 'n óm 'd afâr dimóndi più vèć, na sira durànt na séna a cà di suo. Erik al gh mòla 'n sćiafòṅ e al śbraga tut al sò òpri 'd art ch'al gh'à a cà. Da 'l cant suo l’Olga la 'l mòla p'r andàr a star in di Stat Unî cun al sò muróś nóṿ. Erik al próa a daśmindgàr-'s-la ma a n è briśa un quèl fàcil. Un dè l’Olga la vèṅ a savér 'd avér-'g un cànc'r a 'l sarvèl.

Culegamènt estéran