Eyes Wide Shut

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Eyes Wide Shut
Eyes Wide Shut
Eyes Wide Shut.png
Tom Cruise in na figùra dal film
Òć stricâ bèṅ
1999
Regia: Stanley Kubrick
Scritùr: Arthur Schnitzler
Stanley Kubrick • Frederic Raphael
Atùr: Tom CruiseNicole KidmanSydney Pollack
Marie RichardsonRade ŠerbedžijaTodd Field
Müsica: Jocelyn Pook
Lengua: Ingléś
Dürä dal film: 153 minüt
Nasiòṅ: Stat UnîRégn Unî


«
Cruise. Kidman. Kubrick.»
(Tagline dal film)


Eyes Wide Shut (Òć stricâ bèṅ o anc Òć sarâ spalancâ) 'l è 'n film dramàtic dal 1999 ad Stanley Kubrick, trat da na nuvèla dal 1925 'd Arthur Schnitzler, Insùni dópi. Al film, ch'l è stâ preśentâ a 'l 56śum Fèstival ad Venèsia, 'l è 'l ùltim lavōr dal regìsta 'd New York e 'l è vgnû fóra dòp che lò 'l éra bèla mòrt e 'l iva péna finî 'l muntàǵ.

Custàda ssanta-sinc migliòṅ ad dòlar, la pelìcula la 'n à pò purtâ a cà da piò ad sent-a-ssant'òṅ.

Sunt

William Harford dit Bill (Tom Cruise) al fà 'l dutōr e 'l è spuśâ cun l’Alice (Nicole Kidman). Na sira chi lē la gh cònta che durànt na vacànsa in Istâ l'iva butâ 'l òć su 'n uficiàł 'd marìna e l'iva fat un pinsirèṅ ad far-as gusàr da lò. Fra 'l àtar a gh'éra anc sucès durànt na fèsta ch'un vèć ungheréś migliardàri, Victor Ziegler (Sydney Pollack), al gh'iva fat dal prupòsti ma lē l'iva dit ad nò. Bill al s arlìa dimóndi sèg ma la litgàda la finìs lè parchè lò al gh'à 'd andàr a cà 'd un sò piasiènt péna mòrt. Rivâ là al cata sò fiōla, la Marion Nathanson (Marie Richardson), ch'la gh dà 'n baś e la gh diś ch'la gh vōl bèṅ. Prima d'l arìṿ dal sò muróś Carl (Thomas Gibson), lò al la para via e al partìs par turnàr a cà ma lung la via al cata na scaja ciamàda Domino (Vinessa Shaw) e a gh cala pôc ch'a gh vaga a lèt.

Più tard Bill al s férma in un lucàl in du a sòna un sò vèć amìg, Nick Nightingale (Todd Field). Chi lò al gh cònta ch'al gh'à da sunàr prèst cun gl'òć bindâ a na fèsta in dua i s fànan dl'òrgi in mascra e in dua a gh'è da far-as vèrar dgénd na paròla segréta. In na quàlc manéra Bill al s la fà dar, „Fidelio“, e al s fà dir anc 'l indirìs pò al và da 'n ślâv, al sgnōr Milich (Rade Šerbedžija), par far-as dar un custùm. Quànd 'l è là però al vèṅ caplâ dagnóra subìt, par sò furtùna a gh'è na dóna ch'la 'l salva e ch'la gh parmét 'd andàr via prumiténd 'd a n dir gnint a ninsòṅ. A cà sò mujér la gh cònta 'd ès'r-as insuniàda 'd èsar viulentàda da 'l uficiàł 'd marìna e da dimóndi àt'r óm davànti a lò imputènt.

In séguit Bill al lèś su 'n giurnàl che la ragàsa ch'la 'l à jutâ, l’Amanda Curran (Julienne Davis), l'è mòrta e 'l sò còrp al s cata a 'l ubitòri.

Culegamènt estéran