Eva Renzi
|
C'l artìcul chè 'l è scrit in
Miranduléś |
L’Evelyn Renziehausen, cgnusùda méj c'n al nóm 'd art 'd Eva Renzi, (Berlîṅ, 3 ad Nuvémbar dal 1944 - Berlîṅ, 16 'd Agóst dal 2005) l'è stada n'atōra tedésca, cgnusùda specialmènt par soquànt thriller ch'l'à girâ fra la fiṅ di an Ssanta e 'l inìsi di an Stanta cuma Funerale a Berlino, L'uccello dalle piume di cristallo e La morte risale a ieri sera.
Biugrafìa
Fiōla 'd 'n industriàł danéś e dna francéśa, la Renzi la crés in un cunvènt p'r òrfan par pò studiàr recitasiòṅ a Berlîṅ faghénd al sò debùt a teàt'r in dal 1961.
Druànd al nóm 'd art 'd Evi Renzi, in dal 1965 la gira 'n film par la televiśiòṅ, Doktor Murkes gesammelte Nachrufe, pò 'l an dòp la tōś part a na pelìcula 'd Will Tremper, Playgirl, e a 'l thriller ad Guy Hamilton Funerale a Berlino insém a Michael Caine.
In dal 1967 la spóśa 'l atōr Paul Hubschmid e l'armàgn sèg in fiṅ a 'l 1980 quànd la s divìd. La gh'à na fiōla ciamàda Anouschka Renzi.
In dal 1970 la riva in Itàglia par giràr al śal ad Dario Argento L'uccello dalle piume di cristallo, 'l film dramàtic Appuntamento col disonore e 'l thriller ad Duccio Tessari La morte risale a ieri sera. In séguit la cata spasi praticamènt sōl in séri televiśìvi cuma Primus e Papa Poule a part i film La fille prodigue (1981) e Manuel (1986).
La mōr ad cànc'r a i palmòṅ in dal 2005.
Filmugrafìa
- 1966 - Playgirl, regìa ad Will Tremper
- 1966 - Funerale a Berlino (Funeral in Berlin), regìa ad Guy Hamilton
- 1967 - Un ragazzo e una ragazza (Le grand dadais), regìa ad Pierre Granier-Deferre
- 1968 - Le stelle si vedono di giorno (The Pink Jungle), regìa ad Delbert Mann
- 1968 - Una donna tutta nuda (Negresco - Eine tödliche Affäre), regìa ad Klaus Lemke
- 1969 - Eine Frau sucht Liebe, regìa ad Robert Azderball
- 1969 - Taste of Excitement, regìa ad Don Sharp
- 1970 - L'uccello dalle piume di cristallo, regìa ad Dario Argento
- 1970 - Appuntamento col disonore, regìa 'd Adriano Bolzoni
- 1970 - Beiß mich, Liebling, regìa ad Helmut Förnbacher
- 1970 - La morte risale a ieri sera, regìa ad Duccio Tessari
- 1981 - La fille prodigue, regìa ad Jacques Doillon
- 1986 - Manuel, regìa ad Peter Obrist