Eminem

Da Wikipedia.

C'l artìcul chè 'l è scrit in Miranduléś Emiliàn


«
Come here little kiddies, on my lap, guess who's back with a brand new rap and I don't mean rap as in a new case of child molestation accusation, no worries, pappa's got a brand new bag of toys, what else could I possibly do to make noise, I done touched on everything but little boys and that's not a stab at Micheal, that's just a metaphor, I'm just psycho.»
(FR)(Just Lose It, 2004)
«
Vgnî chè baghét, sintâ'v su i mè śnòć, pruâ a dir chi è turnâ c'n un rap nóṿ? E a n dig briśa “rap” intéś cuma 'n dar adòs a i putèṅ, minga preucupàr-uv, al papà al gh'à na bórsa pîna 'd śughlèṅ, cuś àtar prév-j-a far par far dal caśèṅ? a-j-ò dascōrs ad tut a part i ragasèṅ e qvésta chè la n è minga na scurtlàda in di cunfrònt ad Micheal, l'è sōl na metàfura, a sòṅ sōl ciucâ in dla tèsta.»
(MUD)
Al sò logo
Eminem da 'l viṿ a Washington in dal 2014
Slim Shady tòlt śò in dal 1999
Eminem in sal palc cun la Rihanna
Eminem insém a i D12 in dal 2012


Marshall Bruce Mathers III, cgnusû méj c'n al nóm 'd art 'd Eminem o cun qvél dal sò alter ego Slim Shady (St. Joseph, 17 'd Utóbar dal 1972) 'l è 'n rapper, prudutōr cinematugràfic e atōr americàṅ, vinsidōr dal Prèmi Òscar dal 2003 par la canta Lose Yourself trata da 'l film 8 Mile, pelìcula 'd Curtis Hanson dal 2002 ch'la cònta la sò vita e in du lò 'lò 'l è prutagunìsta. Al fà anc part dal grup di D12.

In dla sò caréra, a rivàr a 'l 2015, 'l à vindû da piò ad sènt migliòṅ ad disc in tut al mónd e quarànta-dū migliòṅ ad sìngui digitài dvintànd 'l artìsta ch'l à vindû da piò in di Stat Unî in di an Dumìla cun déś àlbum nùm'r òṅ in dla Billboard e sinc sìngui. A sa stima ch'al sò patrimòni al s davśìna a i duśènt migliòṅ ad dòlar.

Fra i pès più famóś d'l artìsta, carsû a Detroit e divursiâ dū vòlti, a 'rcurdém My Name Is, The Real Slim Shady, Stan (in du 'l campiòna Thank You dla Dido), Without Me, Cleanin' Out My Closet, Lose Yourself, Sing for the Moment (in du 'l campiòna la Dream On di Aerosmith), Mosh (in du 'l dà adòs a George W. Bush acsè cum in We As Americans), Just Lose It (in du 'l tōś in gir Michael Jackson), Like Toy Soldiers (in du 'l campiòna 'l braṅ Toy Soldiers dla Martika), Mockingbird, Jimmy Crack Corn (cantàda insém a 50 Cent), We Made You (in du 'l tōś p'r al cûl la Sarah Palin), Berzerk e The Monster (cantàda cun la Rihanna acsè cuma Love the Way You Lie).

Al gh'à abû da spés di prubléma cun di àt'r artìsta cuma Benzino, Michael Jackson, la Mariah Carey e Moby.

Discugrafìa

Da par lò

Àlbum in studi

  • 1996 - Infinite
  • 1999 - The Slim Shady LP
  • 2000 - The Marshall Mathers LP
  • 2002 - The Eminem Show
  • 2004 - Encore
  • 2009 - Relapse
  • 2010 - Recovery
  • 2013 - The Marshall Mathers LP 2

Racòlti

  • 2003 - The Singles
  • 2005 - Curtain Call: The Hits
  • 2006 - Eminem Presents the Re-Up
  • 2014 - SHADY XV

Culòni Sunóri

  • 2002 - Music from and Inspired by the Motion Picture 8 Mile
  • 2015 - Southpaw (Music from and Inspired By the Motion Picture)

Insém a i D12

Àlbum in studi

  • 2001 - Devil's Night
  • 2004 - D12 World

Insém a i Bad Meets Evil

Àlbum in studi

  • 2011 - Hell: The Sequel

Filmugrafìa

Culegamènt estéran

Àtar prugèt