Ehi... ci stai?

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Pick-up Artist
Ehi... ci stai?
Ehi ci stai.png
La Jackson e Downey Jr. in na figùra dal film
Vê... gh stà't?
1987
Regia: James Toback
Scritùr: James Toback
Atùr: Molly RingwaldRobert Downey Jr.
Dennis HopperDanny AielloHarvey Keitel
Mildred DunnockBob GuntonVictoria Jackson
Frederick KoehlerPolly DraperAlexis Cruz
Müsica: Georges Delerue
Lengua: Ingléś
Dürä dal film: 81 minüt
Nasiòṅ: Stat Unî


«
'L artìsta dal cunquìsti 'l à finalmènt catâ paṅ p'r i sò dènt.»
(Tagline dal film)


Ehi... ci stai? (Vê... gh stà't?) l'è na cumèdia americàna dal 1987 scrita e dirèta par James Toback.

In dla culòna sunóra dal film i s càtan di pès di Beastie Boys (She's Crafty), ad Paul Anka (Lonely Boy) e 'd Keith John ch'al canta la The Pickup Artist dal tìtul uriginàł scrita par Stevie Wonder. La pelìcula l'è custàda quìndas migliòṅ ad dòlar ma la 'n à pò fat sù sōl tréd'ś e tri a 'l incìrca.

Sunt

Jack Jericho (Robert Downey Jr.) 'l è 'n śōvan femnàr ch'al fà 'l insgnànt ad baseball a i putèṅ in na scóla 'd New York e ch'al tîṅ adrē a sò nunóna Nellie (Mildred Dunnock) ch'la gh'à 'l diabēt. In dal tèmp lìbar al n pèrd ucaśiòṅ par tacàr butòṅ c'n al bèli fighi ch'al véd giràr par strada tant ch'al gh'à n'agénda pîna 'd nùmar dal ragàsi ch'al s è fat. Una 'd qvili lè l'è la Lulu (Victoria Jackson) che però l'è anc na scaja ch'la lavóra p'r un tisi viulènt ciamâ Alonzo Scolara (Harvey Keitel) dònca 'l è méj lasàr-la pèrdar.

Un dè Jack al cgnós na guìda 'd un muśèo, la Randy Jensen (Molly Ringwald), ch'la 'l fà inamuràr dabòṅ ma lē, dòp avér fat sès sèg, la decìd 'd andàr avànti da par lē anc parchè in famìja sò pàdar Flash (Dennis Hopper), un pòvar puòs c'n al visi dal śōg, al gh'à un dèbit ad vintsìnc-mila dòlar cun Alonzo. Chi lò adès al i vōl indrē e 'l diś a la Randy che se sò pàdar al n è mia bòṅ ad tiràr-i fóra alóra l'ùnica sulusiòṅ l'è che lē la vaga a lèt c'n un sèrt Fernando Portacarrero (Bob Gunton), un pès grôs ch'al gh'à butâ gl'òć adòs.

Culegamènt estéran