E-Rotic

Da Wikipedia.

C'l artìcul chè 'l è scrit in Miranduléś Emiliàn


«
I gotta warn you, Max don´t have sex with your ex, it will make you life complex, my Max, baby take it easy, Max don´t have sex with your ex, it will knock you off your legs, oh Max, stay cool and just relax.»
(EN)(Max don´t have sex with your ex, 1994)
«
A gh'ò da métar-'t in guàrdia, Max minga far-at la tò ex, la tò vita la dvintarév cumplicàda, al mè Max, tó-la dólsa, Max minga far-at la tò ex, al t tirarév via 'l gambi, stà càl'm e pònsa 'n pôc.»
(MUD)
La Lyane Leigh e Stephen Appleton tòlt śò in dal 2016


Gl’E-Rotic i èṅ stâ un grup eurodance tedésc, cgnusû principalmènt p'r al sò canti un pôc malnéti e pini ad dópi sèns. Soquànti dal cantànti fémni i aṅ sunâ anc p'r al grup Missing Heart.

Biugrafìa

A 'l inìsi (1994) al grup 'l éra fat da la Lyane Leigh e da Richard Michael Smith dit Raz-Ma-Taz, un cantànt négar, ex śugadōr ad futból americàṅ, nâ in di Stat Unî. Chi lōr i ìvan dâ vita a i braṅ più cgnusû di E-Rotic cuma Max Don't Have Sex With Your Ex (Max minga far-at la tò ex), Fred Come To Bed (Fred vîṅ a lèt), Sex On The Phone (Sès a 'l telèfun), Willy Use A Billy... Boy (Willy, dróa 'l preservatìṿ) e Help Me Dr.Dick (Jut'um Dr.Uśèl). A s trata ad sìngui tut vgnû fóra da 'l 1994 a 'l 1996 (in di prim dū àlbum Sex Affairs e The Power of Sex) ch'i aṅ vindû bèṅ in Germàgna, Finlàndia e Àustria, rivànd da spés in di prim déś pòst.

In séguit al śugàtul al sa śbraga parchè la Leigh la s litga cun al prudutōr David Brandes. 'L è al Śugn dal 1996 e al grup al cambia i cumpunènt tulénd la Jeanette Christensen e Terence d'Arby (a n gh'è briśa da cunfónd'r-al cun al più famóś Terence Trent D'Arby), anc se par cuntràt la Lyane l'à cuntinuâ a dar la sò vóś in fiṅ a 'l 1999. In cal perìud lè i vènan fóra, fra i àtar, i sìngui Fritz Love My Tits (A Fritz i gh piàś'n al mè téti) e Oh Nick Please Not so Quick (Oh Nick par piaśēr minga acsè in présia). In cal méntar chi lē, insém a Raz-Ma-Taz, la sòna da par lē, in dal grup S.E.X. Appeal. In Utóbar dal stés an pò anc d'Arby al fà al valìś esénd rimpiasâ par Ché Jouaner. In cal mèntar gl’E-Rotic i próan a sunàr a 'l Eurovision Song Contest dal 2000 p'r al sò paéś ma i n gh la càvan minga, finénd a 'l sèst pòst in dla faś dal selesiòṅ par la Germàgna.

In dal 2001 la s in và anc la Christensen e la Yasemin Baysal di Das Modul la tōś al sò pòst.

Mémbar

  • Lyane Leigh (1994 - 1996)
  • Raz-Ma-Taz (Richard Michael Smith) (1994 - 1996)
  • Jeanette Christensen (1996 - 2001)
  • Terence d'Arby (1996 - 1997)
  • Ché Jouaner (1997 - ?)
  • Yasemin Baysal (2001 - 2002) (Ex mémbra di Das Modul)
  • Lydia Madajewski (2002 - 2004)
  • Rob (2003)
  • David Brandes (1995 - 2003)

Discugrafìa

Àlbum

  • Sex Affairs (1995)
  • The Power of Sex (1996)
  • Sexual Madness (1997)
  • Thank You for the Music (1997, tribùt a i ABBA)
  • Kiss Me (1999)
  • Mambo No. Sex (1999)
  • Gimme Gimme Gimme (2000)
  • Missing You (2000)
  • Sexual Healing (2001)
  • Sex Generation (2001)
  • Cocktail E-Rotic (2003)

Racòlti

  • Greatest Tits (1998)
  • E-Rotic Megamix (2000)
  • The Very Best Of (2001)
  • The Collection (2002)
  • Total Recall (2003)

Sìngui

  • Max Don’t Have Sex with Your Ex (1994)
  • Final Heartbreak (1995)
  • Fred Come to Bed (1995)
  • Sex on the Phone (1995)
  • Willy Use a Billy ... Boy (1995)
  • Help Me Dr. Dick (1996)
  • Fritz Love My Tits (1996)
  • Gimme Good Sex (1996)
  • The Winner Takes It All (1997)
  • Thank You for the Music (1997)
  • Turn Me On (1997)
  • Baby Please Me (1998)
  • Die geilste Single der Welt (1998)
  • Oh Nick Please Not so Quick (1999)
  • Kiss Me (1999)
  • Mambo No. Sex (1999)
  • Gimme Gimme Gimme (2000)
  • Queen of Light (2000)
  • Don’t Make Me Wet (2000)
  • Billy Jive (With Willy’s Wife) (2001)
  • King Kong (2001)
  • Max Don’t Have Sex with Your Ex 2003 (2003)
  • Max Don’t Have Sex with Your Ex 2005 (2005) E-Rotic vs. Twister
  • I’m Over You (2007)

Culegamènt estéran