Bust (indumèint ed sòta)

C'l artìcol chè 'l è scrit in Carpśàn

Al dedrē 'd un bust da dòna antîg, col stèchi e i curdèin ch'i strichèven la cìcia.

Al bust 'l è cl indumèint ed sòta ch'a s druèva na volta, mo s'a gh'è biśògn, anch'incō, ch'al tin sòdi e strìc al bust ed cal dòni quand i vólen parìr più drìti cun la schina o anca cun meno pansa ch'i n'gh'àpien. Na quelc volta anc chi òm i pólen purtèr al bust, mo al n'è pò mia acsè frequàint.
Per strichèr e tgnir sòdi la cìcia in più ed chi 'l s al mèt indôs, al bust al gh'à, cuśî dàint'r in dla só stófa, soquànti stèchi 'd materiē durèt apōsta, ch'i dàn na forma ślunghèda e i sustìnen de più la pansa o 'l curvi ch'i cuàcen.