Daniel Beer
|
C'l artìcul chè 'l è scrit in
Miranduléś |
Daniel Beer 'l è 'n atōr americàṅ e tedésc. 'L è nâ a Ratiśbóna in Bavéra ma pò 'l è carsû in dal nòrd dal stat ad New York. 'L è parènt a la luntàna dal canselēr tedésc Friedrich Ebert, prim presidènt dla Repùblica 'd Weimar.
Biugrafìa
Dòp ès'r-as diplumâ, 'l è andâ a star a Manhattan par far caréra in dal mónd dal cìnema e 'l è dvintâ mémbar di Actors Studio. 'L è anc un balarèṅ 'd tang.
Daniel al fà 'l sò debùt in dal 1986 faghénd al quarterback dla squàdra dla scōla in dla pelìcula 'd scarésa Furia incontrollata anc s'al film al vadrà la luś sō tri an dòp. In dal 1987 'l è prutagunìsta d'l epiśòdi „La śatra“ ad Creepshow 2, trat da 'n lìb'r ad Stephen King, méntar dū an dòp al lavóra cun la Jennifer Jason Leigh in Ultima fermata Brooklyn. Al tórna a la scarésa in un film par la televiśiòṅ dal 1990 dal mìstar Wes Craven da 'l tìtul Delitti in forma di stella.
In dal 1991 'l è in dal cast ad Whore (puttana) dirèt par Ken Russell, in Scelta d'amore - La storia di Hilary e Victor, in du 'l rècita insém a la Julia Roberts, e in Point Break - Punto di rottura cun Patrick Swayze e Keanu Reeves.
In di ùlt'm an 'l à catâ spasi in telefìlm cuma E.R. - Medici in prima linea (2006) e in film par la TV cuma Living hell - Le radici del terrore (2008) e L'amore trova casa (2009).
Filmugrafìa
- 1987 - Creepshow 2, regìa ad Michael Gornick
- 1989 - Furia incontrollata (Hell High), regìa ad Douglas Grossman
- 1989 - Ultima fermata Brooklyn (Last Exit to Brooklyn), regìa ad Uli Edel
- 1990 - Delitti in forma di stella (Night Visions), regìa ad Wes Craven - Film TV
- 1991 - No Secrets, regìa ad Dezsö Magyar
- 1991 - Whore (puttana) (Whore), regìa ad Ken Russell
- 1991 - Scelta d'amore - La storia di Hilary e Victor (Dying Young), regìa ad Joel Schumacher
- 1991 - Point Break - Punto di rottura (Point Break), regìa dla Kathryn Bigelow
- 1994 - Talking About Sex, regìa 'd Aaron Speiser
- 1999 - The Last Best Sunday, regìa ad Don Most
- 2001 - Dirt, regìa ad Michael Covert e 'd Tracy Fraim
- 2016 - Extraction: Genesis, regìa ad Jin Kelley