Dallas Buyers Club

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Dallas Buyers Club
Dallas Buyers Club
Dallas Buyers Club (film).png
McConaughey e Leto in na figùra dal film
Al club di cumpradōr ad Dallas
2013
Regia: Jean-Marc Vallée
Scritùr: Craig Borten • Melisa Wallack
Atùr: Matthew McConaugheyJennifer Garner
Jared LetoSteve ZahnKevin RankinSean Boyd
Dallas RobertsGriffin DunneIan Casselberry
Müsica: Shuggie Otis • Kenny Rogers • T. Rex
Sanford Clark • Carlos Periguez • Amanda Lear
Animotion • Alexandra Stréliski • Tegan and Sara
Lengua: IngléśGiapunéś
Dürä dal film: 117 minüt
Nasiòṅ: Stat Unî


«
Dal vòlti a gh vōl un trufadōr par cumbàt'r al mónd.»
(Tagline dal film)


Dallas Buyers Club (Al club di cumpradōr ad Dallas) 'l è 'n film dramàtic e biugràfic americàṅ dal 2013 ad Jean-Marc Vallée.

La pelìcula, ch'l'à fat sù da piò ad sinquànta-sinc migliòṅ ad dòlar dòp ès'r-an custàda sinc, l'è stada candidàda a siē Prèmi Òscar, anc p'r al film e par la senegiadùra, purtànd a cà qvéi p'r al truc e par gl'atōr Matthew McConaughey e Jared Leto che par cl'òpra chè i èṅ śmagrî vint e trédas chilo a tèsta.

Sunt

Durànt i an Utànta 'l texàṅ Ron Woodroof (Matthew McConaughey), uperàj dn'indùstria dal petròli ad Dallas, al bév, al s dròga e 'l s gusa tut al dóni ch'al pōl. Un dè al finìs a 'l uśdàł e 'l dutōr Sevard (Denis O'Hare) al gh diś ciàr e tónd ch'al s è bcâ 'l AIDS e ch'al gh'à di livèi ad glóbui biànc acsè bas che par lò a gh armàgn trénta dè da scampàr.

Subìt Ron al n créd briśa a qvél ch'al gh'à dit al mèdag, anc parchè lò al n è minga fnòć, ma pò al s rénd cònt ch'l è pròpria acsè dònca 'l próa a far-as dar di fàrmag ch'i èṅ in na faś ad sperimentasiòṅ ma la dutōrâ Eve (Jennifer Garner) la gh rispónd ch'a n è mia 'n quèl pusìbil parchè a gh'è dal règhli ciàri da tgnir a mènt, prima a gh'è da spetàr ch'la Food and Drug Administration la diga 'd sè

Ron però al n gh'à minga tèmp e 'l cuntèst' anc al fat ch'i dutōr i dìan di placebo a di malâ terminài durànt i sò studi. 'L óm prima al s fà pasàr d'l AZT da 'n spasèṅ ch'al lavóra a 'l uśdàł (Ian Casselberry), pò al và in Mèsic, in Giapòṅ e in Iśraēl a tōr al madśìni par lò. In séguit, insém a 'l trans Rayon (Jared Leto), al dà vita a 'n club par malâ in du lò al dà i fàrm'g a gràtis ma 'l è sōl un truc p'r a n avér briśa di prubléma cun la giustìsia parchè l'iscrisiòṅ la cósta sinc-sènt dòlar a 'l méś.

Cun la cura minga ufisiàla ch'al gh'à dâ 'l dutōr mesicàṅ Vass (Griffin Dunne) Ron 'l è bòṅ ad scampàr e 'd tgnir bòta ma 'l FBI al taca a dar-'g adòs.

Culegamènt estéran