Dal tramonto all'alba 3 - La figlia del boia
|
C'l artìcul chè 'l è scrit in
Miranduléś |
 From Dusk Till Dawn 3:The Hangman's Daughter | ||
| Dal tramonto all'alba 3 - La figlia del boia | ||
 L'Ara Celi e Marco Leonardi in na figùra dal film | ||
| Da 'l tramònt a l'alba 3 - La fiōla dal bòja 2000 | ||
|---|---|---|
| Regìa: P.J. Pesce | ||
| Scritōr: Robert Rodriguez • Álvaro Rodríguez | ||
| Atōr: Marco Leonardi • Michael Parks • Ara Celi Rebecca Gayheart • Lennie Loftin • Sônia Braga Orlando Jones • Jordana Spiro • Danny Trejo Temuera Morrison • Kevin Smith • Tom Berto | ||
| Müsica: Nathan Barr | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
Dal tramonto all'alba 3 - La figlia del boia (Da 'l tramònt a l'alba 3 - La fiōla dal bòja) 'l è 'n film ad scarésa americàṅ dal 2000 ad P.J. Pesce, vgnû fóra diretamènt p'r al marcâ d'l home video dòp Dal tramonto all'alba 2 - Texas, sangue e denaro d'l an prima. 'L è anc al prequel dal film Dal tramonto all'alba dal 1996.
La pelìcula l'è stada prudóta par Quentin Tarantino, par Robert Rodriguez e par Lawrence Bender e l'è stada giràda in Sud Àfrica c'n un budget stimâ ad sinc migliòṅ ad dòlar.
Sunt
[mudéfica la surzéia]In di prim an dal Nuvsènt in Mèsic Johnny Madrid (Marco Leonardi), un delinquènt periculóś, al scampa a 'l ùltim a la mòrt p'r òpra ad Maurizio (Temuera Morrison), al bòja ch'al gh'iva da impicàr-al. Scapànd via a cavàl al s pòrta adrē sò fiōla, l’Esmeralda (Ara Celi), che sò pàd'r 'l éra sòlit giustàr dang-ag śò cun la scùria p'r insgnàr-'g a star a 'l mónd.
Insém a na ladra sò para, la Catherine Reece (Jordana Spiro), al bandî al và a far na rubarìa a na diligénsa in du a viàśa 'l scritōr ad lìb'r ad scarésa Ambrose Bierce (Michael Parks) e di àtar. In mèś a cal sapèl lè, tut i finìs'n in na lucànda/burdèl purdàda avànti par la Quixtla (Sônia Braga). Quànd a riva la nòt chi lē la dà via libra a i sò vampîr par masàr-i. Adès tut chi lōr i èṅ da la stésa banda unî.