Dal tramonto all'alba 2 - Texas, sangue e denaro
|
C'l artìcul chè 'l è scrit in
Miranduléś |
 From Dusk till Dawn 2:Texas Blood Money | ||
| Dal tramonto all'alba 2 - Texas, sangue e denaro | ||
 La Maria Checa in na figùra dal film | ||
| Da 'l tramònt a l'alba - Tèxas, sangṿ e bèsi 1999 | ||
|---|---|---|
| Regìa: Robert Rodriguez | ||
| Scritōr: Scott Spiegel • Duane Whitaker | ||
| Atōr: Robert Patrick • Bo Hopkins • Muse Watson Brett Harrelson • Raymond Cruz • James Parks Duane Whitaker • Bruce Campbell • Danny Trejo | ||
| Müsica: Joseph Williams | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Dal tramonto all'alba 2 - Texas, sangue e denaro (Da 'l tramònt a l'alba 2 - Tèxas, sangṿ e bèsi) 'l è 'n film ad scarésa americàṅ dal 1999, vgnû fóra diretamènt p'r al marcâ d'l home video, ad Scott Spiegel ch'al 'l à anc scrit insém a Duane Whitaker. 'L è stâ prudót par Quentin Tarantino, par Robert Rodriguez e par Lawrence Bender dòp al sucès ad sò Dal tramonto all'alba dal 1996.
Al gh'à abû 'n séguit, Dal tramonto all'alba 3 - La figlia del boia dal 2000.
Sunt
Buck (Robert Patrick) 'l è 'n delinquènt ch'al fà finta 'd rigàr drit ma al gh'à listés adòs al pulisiòt Otis Lawson (Bo Hopkins) ch'al dà la casa a 'l sò amìg Luther (Duane Whitaker), scapâ via da parśòṅ, ch'al vōl mét'r insém incóra 'l sò vèć grup ad criminài, C.W. Niles (Muse Watson), Jesus Draven (Raymond Cruz) e Ray Bob (Brett Harrelson). I s daṅ tut sinc apuntamènt in Mèsic p'r un cōlp in banca da 'n migliòṅ ad dòlar.
Durànt al viàś, Luther al patìs 'l atàc 'd un papastrèl e in culpìr-al al śbraga la màchina. Par pascàr ajùt al và in un bar avèrt da 'l tramònt a l'alba, al Titty Twister, e 'l barìsta Razor Eddie (Danny Trejo) al s śibìs ad dar-ag lò 'n pasàǵ mo invéci l'è sōl l'ucaśiòṅ par vampiriśàr-al. In cal mént'r in un mutèl Jesus al s gusa la Lupe (Maria Checa), na dóna cgnusùda pròpria lè da pôc. Quànd lē la s và a far na dócia méntar lò al dòrum, a riva 'n papastrèl ch'al la cópa a mòrśag.