Così dolce... così perversa

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Così dolce... così perversa
Così dolce così perversa.png
Trintignant e la Carroll Baker in na figùra dal film
Acsè dōlsa... acsè parvèrsa
1969
Regia: Umberto Lenzi
Scritùr: Luciano Martino
Ernesto Gastaldi • Massimo D'Avack
Atùr: Jean-Louis TrintignantCarroll Baker
Helga LinéHorst FrankErmelinda De Felice
Erika BlancGiovanni Di BenedettoIrio Fantini
Müsica: Riz Ortolani
Lengua: Itagliàṅ
Dürä dal film: 92 minüt
Nasiòṅ: ItàgliaFrànciaGermàgna Òvest


«
'N arbgàt spavintóś ch'l è 'n usesiòṅ!»
(Tagline dal film)


Così dolce... così perversa (Acsè dōlsa... acsè parvèrsa) 'l è 'n thriller eròtic dal 1969 'd Umberto Lenzi, al sò secónd śal sexy cun la Carroll Baker dòp Orgasmo dal stés an. P'r al còpi destinàdi a i marcâ èstar, in dua 'l è cgnusû cuma So sweet...so perverse in dal Régn Unî, Si douces, si perverses in Frància e Die süsse Sunderin in Germàgna, i èṅ stadi śuntàdi dal séni più spurcaciòni.

Sunt

Jean Reynaud (Jean-Louis Trintignant) 'l è 'n industriàł in dal camp dla chìmica e 'l è spuśâ cun la Danielle (Erika Blanc). I dū, na parfèta còpia burghéśa, i aṅ decìś ad vìv'r al sès in na manéra libra e 'l arìṿ da cal bandi là dna biundìna tuta pévar, la Nicole Perrier (Carroll Baker), ch'la sa stablìs darènt a lōr, al dà 'l ucaśiòṅ a Jean ad far-'g al fîl. Chi lē la gh'à sèmp'r adòs un śōvan catìṿ, narvóś mat e salvàdag ad nóm Klaus (Horst Frank) ch'al n la lasa mai in paś, rivànd anc a dar-ag dal bòti.

Jean al taca a ligàr-as sèmpar da piò a la Nicole, andànd-'g anc a lèt, ma un dè al ciàpa na scurtlàda da part ad Klaus e al mōr. 'L óm, ch'l éra 'd acòrd cun la Nicole e la Danielle, qvésta chè la sò amànta lèśbica, al carga in màchina al cadàvar d'l industriàł e pò al la buta śò par na scarpàda par scanślàr incòsa. Adès i bèsi i èṅ tut par lōr ma Klaus e la Nicole i gh'aṅ di àtar tragatèṅ da mét'r in òpra cóntar la védva.

Culegamènt estéran