Mangiati vivi!

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Mangiati vivi!
Mangiati vivi.png
La Agren e Robert Kerman in na figùra dal film
Magnâ viṿ!
1980
Regia: Umberto Lenzi
Scritùr: Umberto Lenzi
Atùr: Janet AgrenPaola SenatoreMel Ferrer
Ivan RassimovRobert KermanFranco Coduti
Me Me LayFiamma MaglioneFranco Fantasia
Müsica: Budy-Maglione
Lengua: Itagliàṅ
Dürä dal film: 95 minüt
Nasiòṅ: Itàglia


«
Cinsurâ in vint-quàtar paéś dal mónd.»
(Tagline dal film)


Mangiati vivi! (Magnâ viṿ!) 'l è 'n film ad scarésa dal 1980 'd Umberto Lenzi dal gènar di canìbai ch'al tōś ispirasiòṅ da di fat sucès dabòṅ in dal 1978 quànd al predicadōr Jim Jones 'l à sterminâ un sac ad gint, fra masamènt e suicìdi, in dla Guyana.

La pelìcula, ch'in di marcâ ingléś l'è cgnusùda cuma Eaten Alive!, l'à tòlt in prèst dal séni da di àtar film cuma La montagna del dio cannibale e Ultimo mondo cannibale.

Sunt

A New York in dal 1980 un sasèṅ al masa dla gint druànd dal frési impinìdi 'd vlèṅ ad bisa ma pò al finìs sóta na màchina e al mōr. La pulisìa la gh cata adòs na pelìcula in du a s véd la Diana Morris (Paola Senatore), na dóna sparìda da soquànt tèmp. La surèla Sheila (Janet Agren) la partìs subìt par pascàr-la in dla giùngla dla Nuova Guinea, in dua i filmâ i pàran purtàr. A pâr ch'a gh sia in mèś un grup religióś ciamâ la “Sèta dla Purificasiòṅ” c'n a cap un santòṅ ad nóm Melvyn Jonas (Ivan Rassimov). Lò e 'l sò grup i aṅ vlû métar da na banda la sucietà ucidentàla par turnàr a vìvar cuma na vòlta sénsa dar a mènt a i perìcui ad star davśèṅ a dal tribù ad canìbai ch'a gh'è lè dintóran.

Rivàda là, la Sheila la s pòrta sèg un diśertōr dla guèra dal Vietnam, Mark Butker (Robert Kerman), par far-as guidàr e jutàr. I dū i rìvan finalmènt a 'l Vilàǵ dla Purificasiòṅ ma Melvyn al gh dà cóntar.

Culegamènt estéran