Carù

Da Wikipedia.
C'l artìcul chè 'l è scrit in Arzân Emiliàn

Provincia di Reggio Emilia-Stemma.png Artécol in dialèt arzân Reggio Emilia-Stemma.png

Carù (Carù ânch in italiân) l' é 'na frasiòun dal cmûn ed Véla Mnôs in pruvîncia ed Rèz, l'é int la valêda dal turèint Ré, ch' al và dê a dréta dal fióm Sècia. La frasiòun l'é divîşâ in localitê: Gasulèina, Segalê, Brâj, Bôra, Gaciōla, Budriôt (ciamêda ânca Cà Germâni), Funtâna Gâta, Purcîl, e cà sparpagnêdi ciamêdi cun al nòm ed chî ghe stà o ed chî ghe stêva.

Al nòm rumân Carolium, al deşvîn da carobium, che a só vôlta al deşvîn da quadrivium, oséia incrōş ed quâter strêdi; còsti ēren la strêda bâsa rumâna ch'l' unîva la Garfagnâna cun Rèz e còla dal d dé incō La Spèsia (statêla 63), e la Pîşa-Mòdna.

Al prémi cà int al teritôri ed Carù ch' a 's cgnòsen l'é l' uspdêl in Câmp Camlâşi, citê in un diplôma dal 1102. Un secònd documèint dal 1106 a 's riferés a un sît da rumét cun atâch un uspdêl ed Sân Venèri insém al Mûnt Caròl. Carù l'é stêda dêda in fèdev cme cuntèia a Guido Bredoli int al 1616; int al 1700 l'ēra ed Flavio Flavi 'd Urbèin, e dal 1770 al 1786 a la faméja Signoretti ed Rèz. A la fîn dal XVIII al gh'îva 222 abitânt.

La cēşa dal paèiş l'é dedichêda a Sân Michēl e l'é stêda numinêda per la préma vôlta int al 1350 e int al vîşiti parochiêli int al XV e XVI sècol. Al 13 ed setèmber a gh' é la fèsta ed Sân Venèri


Nôta: cla pâgina ché l'é stêda inviêda cun 'na tradusiòun da Carù trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.